സാനിറ്ററി നാപ്കിന്‍ ക്യാന്‍സര്‍ കാരണം?

ചിലര്‍ക്കെങ്കിലും ഇത്തരം നാപ്കിനുകള്‍ അലര്‍ജിയും ചൊറിച്ചിലും ഉണ്ടാക്കുന്നതായി കണ്ടുവരുന്നുണ്ട്. ഇതിന് കാരണവുമുണ്ട്.

ഇത്തരം നാപ്കിനുകളില്‍ കോട്ടനു പകരം സെല്ലുലോസ് ജെല്‍ ആണ് ഉപയോഗിച്ചിരിക്കുന്നത്. ഇവ പലര്‍ക്കും അലര്‍ജിയുണ്ടാക്കും. മാത്രവുമല്ല, സെര്‍വികല്‍ ക്യാന്‍സര്‍ വരെ വരുത്താന്‍ സാധ്യതയുള്ള ഒന്നാണ് ഇത്തരം ജെല്‍.

മിക്കവാറും സാനിറ്ററി നാപ്കിനുകളും നനവ് തട്ടിക്കഴിഞ്ഞാല്‍ അല്‍പം കഴിഞ്ഞ് ചുരുണ്ടു കൂടുന്നവയാണ്. യോനീപ്രദേശത്തെ ചര്‍മം വളരെ മൃദുവുമാണ്. ചുരുണ്ടുകൂടന്ന നാപ്കിനുകള്‍ അസ്വസ്ഥതയും ചിലപ്പോള്‍ മുറിവുമുണ്ടാക്കും.

നാപ്കിനുകളുടെ മറ്റൊരു രൂപമാണ് ടാമ്പൂണുകള്‍. ഉള്ളിലേക്ക് കടത്തി വയ്ക്കുന്ന ഇവയില്‍ ഡയോക്‌സിന്‍, റെയോണ്‍ എന്നിങ്ങനെ രണ്ടുവിധത്തിലുള്ള രാസവസ്തുക്കളുണ്ട്. ഇവയുടെ ഉപയോഗം പ്രത്യുല്‍പാദന അവയവങ്ങള്‍ക്കും പ്രതിരോധശേഷിക്കു തന്നെയും ഭീഷണിയാണ്.

സാനിറ്ററി നാപികിനുകള്‍ വാങ്ങുമ്പോള്‍ നിലവാരമുള്ളവ നോക്കി വാങ്ങുവാന്‍ ശ്രദ്ധിക്കണം. ഇവ നാലു മണിക്കൂര്‍ ഇടവിട്ട് മാറുകയും വേണം. കൂടുതല്‍ സമയം നാപ്കിനുകള്‍ ഉപയോഗിക്കുന്നത് അണുബാധ പോലുള്ള അസുഖങ്ങള്‍ വരാനുള്ള സാധ്യത വര്‍ദ്ധിപ്പിക്കും.

നാപ്കിനുകള്‍ ഉപയോഗിച്ച ശേഷം ഇത്തരം അസ്വസ്ഥകള്‍ ഉണ്ടാവുകയാണെങ്കില്‍ ഉടനടി വൈദ്യസഹായം തേടുന്നതാണ് നല്ലത്. കാരണം അണുബാധ ശ്രദ്ധിക്കാതിരുന്നാല്‍ ചിലപ്പോള്‍ ഗുരുതരമായ ആരോഗ്യപ്രശ്‌നങ്ങളിലേക്കു നയിച്ചേക്കാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.