ഡയറ്റ് പില്‍സ് സുരക്ഷിതം?

Wellness

oi-Saritha

By Veena

Updated: Monday, July 16, 2012, 15:47 [IST]

വണ്ണം കുറയ്ക്കാന്‍ വേണ്ടി പലരും സ്വീകരിക്കുന്ന എളുപ്പ മാര്‍ഗമാണ് ഡയറ്റ് പില്‍സ് എന്ന ഓമനപ്പേരില്‍ ഇറങ്ങുന്ന ഗുളികകള്‍. വണ്ണം വേഗത്തില്‍ കുറയ്ക്കുമെന്ന അവകാശവാദമാണ് ഇവ പലരും ഉപയോഗിക്കാന്‍ ഇട വരുത്തുന്നതും. എന്നാല്‍ ഇവ ആരോഗ്യത്തിന് അത്ര സുഖകരമല്ലെന്നതാണ് വാസ്്തവം

ഡയറ്റ് പില്‍സ് പല പേരുകളിലും ലഭ്യമാണ്. ഇവ പായ്ക്കറ്റുകളിലെ നിര്‍ദേശാനുസാരണം കഴിയ്ക്കുകയേ വേണ്ടൂ. ചിലതെങ്കിലും വണ്ണം കുറച്ചേക്കും. എന്നാല്‍ ഇതിനൊപ്പം മറ്റു പാര്‍ശ്വഫലങ്ങളും വരുത്തിവയ്ക്കും. കിഡ്‌നി പ്രശ്‌നങ്ങള്‍, മുടികൊഴിച്ചില്‍, നെഞ്ചുവേദന, ഹൃദയാഘാതം തുടങ്ങിയവ ഇത്തരം ഡയറ്റ് പില്‍സുകള്‍ വരുത്തിവയ്ക്കുന്ന പ്രശ്‌നങ്ങളാണ്.

ഇത്തരം ഗുളികകള്‍ ശരീരത്തിന് ആവശ്യമായ വൈറ്റമിന്‍, എ, ഡി, കെ ഇ തുടങ്ങിയവയുടെ പ്രവര്‍ത്തനങ്ങളെ അവതാളത്തിലാക്കുന്നുണ്ട്. ഇത്തരം വൈറ്റമിനുകളുടെ ഗുണം ശരീരത്തിന് ലഭിക്കുന്നത് തടയുകയാണ് ഡയറ്റ് പിന്‍സ് ചെയ്യുന്നത്. ഇതിന്റെ ഫലമായി ക്ഷീണവും മറ്റ് അസുഖങ്ങളും ഉണ്ടാകും.

മിക്കവാറും ഡയറ്റ് ഗുളികകള്‍ വിശപ്പ് കുറയ്ക്കുകയാണ് ചെയ്യുന്നത്. വിശപ്പു കുറയുമ്പോള്‍ ഭക്ഷണം കഴിയ്ക്കുന്നതും കുറയുന്നും. ഇത് വണ്ണം കുറയ്ക്കുകയും ചെയ്യും. വണ്ണം കുറയ്ക്കുമെങ്കിലും ഇത് ശരീരത്തിന്റെ സ്വാഭാവികമായുള്ള ആരോഗ്യത്തെ ബാധിക്കുകയാണ് ചെയ്യുന്നത്.

ഈ ഗുളികകള്‍ നിശ്ചിത സമയത്തിനുള്ളില്‍ നിശ്ചിത എണ്ണം കഴിയ്ക്കാനായിരിക്കും പായ്ക്കറ്റുകളിലുണ്ടാകുക. ഈ ഫലം കാണാതെ വരുമ്പോള്‍ കൂടുതല്‍ ഗുളികകള്‍ കഴിക്കുവാനുള്ള ഒരു പ്രേരണയുണ്ടാവുക സ്വാഭാവികം മാത്രം. ഇത് സാവധാനം നിങ്ങളെ ഈ ഗുളികക്ക് അടിമയാക്കുകയാണ് ചെയ്യുക.

ഗുളിക നിറുത്തിയാല്‍ വീണ്ടും വണ്ണം വയ്ക്കുന്നതായും കണ്ടുവരുന്നുണ്ട്. ഇത് വീണ്ടും ഗുളിക കഴിക്കാനുള്ള പ്രേരണയുണ്ടാക്കുകയാണ് ചെയ്യുന്നത്. തുടര്‍ച്ചയായി ഇത്തരം ഗുളികകള്‍ കഴിയ്ക്കുന്നത് ആരോഗ്യത്തിന് എത്രത്തോളം ദോഷം ചെയ്യുമെന്ന് പറയേണ്ടതില്ലല്ലോ.

ഇത്തരം ഗുളികകള്‍ ഡോക്ടറുടെ നിര്‍ദേശം തേടിയ ശേഷം മാത്രം കഴിയ്ക്കുന്നതാണ് അരോഗ്യത്തിനും ശരീരത്തിനും ഏറെ നല്ലത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.