പഞ്ചസാര ബുദ്ധി കുറയ്ക്കും

തലച്ചോറിന്റെ ഒരു ഭാഗമാണ് സിനാപ്‌സ്. ഇവിടെയാണ് സംവേദനക്ഷമതയുടെ കേന്ദ്രമെന്നും പറയാം. എന്നാല്‍ പഞ്ചസാരയിലെ ഫ്രക്ടോസ് സിനാപ്‌സ് നശിപ്പിക്കാന്‍ ഇട വരുത്തുന്നു.

ഇതു മാത്രമല്ലാ, ഓര്‍മയെ നശിപ്പിക്കാനും പഞ്ചസാര വഴിയൊരുക്കുന്നു. ഓര്‍മക്കു കാരണമായ തലച്ചോറിലെ കോശങ്ങളെ ഇത് ബാധിക്കുകയാണ് ചെയ്യുന്നത്. ഓര്‍മിക്കാനും ചിന്തിക്കാനുമുള്ള ശേഷിയെ ഇത് വിപരീതമായി ബാധിക്കുന്നു.

പഞ്ചസാര കൂടുമ്പോള്‍ ഇന്‍സുലിന്‍ പ്രവര്‍ത്തനവും താറുമാറിലാകും. ഐക്യു കുറയ്ക്കാനും ഓര്‍മശക്തിയെ ബാധിക്കാനും ഇതും കാരണമാകും.

മധുരത്തിന്റെ അളവു കുറയ്ക്കുന്നതാണ് ഇതിനെല്ലാമുള്ള പ്രതിവിധി. ഒമേഗ ത്രീ ഫാറ്റി ആസിഡ് അടങ്ങിയ ഭക്ഷണം ഒരു പരിധി വരെ ഗുണം ചെയ്യും. ഡിഎച്ച് എ അടങ്ങിയ ഭക്ഷണങ്ങളും ഇതിനുള്ളൊരു പ്രതിവിധിയാണ്.

മധുരപ്രേമികള്‍ മധുരത്തിനായി ഫ്രൂട്‌സ് പോലുള്ളവ കഴിയ്ക്കുന്നതാണ് നല്ലത്. വല്ലപ്പോഴും കുറഞ്ഞ അളവില്‍ മറ്റു മധുരങ്ങള്‍ കഴിയ്ക്കുന്നതുകൊണ്ടു വിരോധമില്ല, എങ്കില്‍ ഇത് അമിതമാകാതിരിക്കുന്നതാണ് ബുദ്ധിക്കു നല്ലത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.