ചുമയ്ക്കുന്നോ, ഏതു തരം ചുമ

Wellness

oi-Saritha

By Veena

Published: Friday, June 29, 2012, 15:31 [IST]

ചുമ മുതിര്‍ന്നവരേയും കുട്ടികളേയും ഒരുപോലെ ബുദ്ധിമുട്ടിക്കുന്ന രോഗമാണെന്നു വേണമെങ്കില്‍ പറയാം. ചുമ തന്നെ പലതരത്തിലുണ്ട്. ഇവയുടെ വ്യത്യാസം തിരിച്ചറിയുന്നത് ഏതുതരം ചുമയാണ് നിങ്ങള്‍ക്കുള്ളതെന്ന് കണ്ടെത്താന്‍ നല്ലതായിരിക്കും. ഇത് ചികിത്സ എളുപ്പമാക്കുകയും ചെയ്യും.

സാധാരണ കോള്‍ഡിനൊപ്പം വരുന്ന ചുമയുണ്ട്. ഇത് സമയത്ത് ചികിത്സിച്ചു മാറ്റാതിരുന്നാല്‍ കഫക്കെട്ടിലേക്കു മാറും. നെഞ്ചില്‍ അണുബാധയുണ്ടാകുമ്പോഴാണ് ഇതുണ്ടാകുന്നത്. അത് കൂടുതലാകുമ്പോള്‍ ചുമച്ചു കഫം തുപ്പുന്ന അവസ്ഥയുണ്ടാകും.

ഡ്രൈ കഫ് എന്നൊരു ചുമയുണ്ട്. തൊണ്ടയില്‍ നിന്നാണ് ഇതുണ്ടാകുന്നത്. അല്ലാതെ കഫക്കെട്ടിനൊപ്പമുണ്ടാകുന്ന ചുമ പോലെ നെഞ്ചില്‍ നിന്നല്ല. പുകവലിക്കുന്നവര്‍ക്ക് സാധാരണ ഇത്തരം ചുമയുണ്ടാകാറുണ്ട്.

അലര്‍ജി കൊണ്ടും ചുമയുണ്ടാകും. പൊതുവെ ആസ്തമയുള്ളവര്‍ക്കും പൊടി അലര്‍ജിയായവര്‍ക്കും ഇത്തരം ചുമ വരുന്നത് സാധാരണമാണ്. കോള്‍ഡില്ലാത്ത സമയത്തും ഇത്തരം ചുമയുണ്ടാകുമെന്നതാണ് പ്രത്യേകത. പൊടിയിലും മറ്റും പോകുന്നത് ഇത്തരം ചുമയ്ക്ക് കാരണമാകും.

അസിഡിറ്റി കാരണവും ചിലപ്പോള്‍ ചുമയുണ്ടാകും. റിഫഌക്‌സ് കഫ് എന്നാണിത് അറിയപ്പെടുന്നത്. ഭക്ഷണം ശരിക്കു ദഹിച്ചില്ലെങ്കില്‍ ഇത് മുകളിലേക്കെടുക്കും. ഇത് ചുമയ്ക്ക് കാരണമാകും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.