ലൈംഗികശേഷിക്കുറവിന് ചില കാരണങ്ങള്‍

Wellness

oi-Saritha

By Veena

Updated: Friday, April 12, 2013, 9:03 [IST]

പുരുഷന്മാരില്‍ ലൈംഗികശേഷിക്കുറവിന് പല കാരണങ്ങളും ഉണ്ടാവാറുണ്ട്. ചിലരില്‍ ഇത് ശാരീരിക പ്രശ്‌നങ്ങള്‍ കാരണമാണെങ്കില്‍ മറ്റു ചിലരിലിത് മാനസിക പ്രശ്‌നങ്ങള്‍ കൊണ്ടുമാകാം.

ഡിപ്രഷന്‍, ഭയം, ടെന്‍ഷന്‍ തുടങ്ങിയവയാണ് പ്രധാന മാനസിക കാരണങ്ങള്‍. ഇവ പുരുഷന്റെ ഉദ്ധാരണ ശേഷിയെ തളര്‍ത്തും. ഹോര്‍മോണ്‍ സംബന്ധമായ ചില പ്രശ്‌നങ്ങളും പുരുഷലൈംഗിക ശേഷിയെ തകരാറിലാക്കാറുണ്ട്. ടെസ്റ്റോസ്റ്റിറോണ്‍ ഉല്‍പാദനം കുറയുന്നത് ഒരു കാരണം.

പ്രമേഹവും പുരുഷന്മാരില്‍ ലൈംഗിക ശേഷിക്കുറവ് വരുത്താറുണ്ട്. പ്രമഹലക്ഷണങ്ങള്‍ ഉണ്ടെങ്കില്‍ ടെസ്റ്റ് ചെയ്ത് പ്രമേഹമുണ്ടോയെന്ന കാര്യം ഉറപ്പു വരുത്തണം. ഉണ്ടെങ്കില്‍ ഇത് നിയന്ത്രിക്കാനുള്ള വഴികള്‍ തേടണം.

പ്രമേഹം ഒരിക്കലും ലൈംഗികജീവിതത്തിന് തടസമല്ല. ആരോഗ്യകരമായ ജീവിതശൈലി കൊണ്ട് ഇത് നിയന്ത്രിച്ചു നിര്‍ത്തണമെന്നു മാത്രം.

ഹോര്‍മോണ്‍ പ്രശ്‌നമാണ് ലൈംഗികശേഷിക്കുറവിന് കാരണമെങ്കില്‍ ചികിത്സയിലൂടെ പരിഹാരം തേടാം. ഹോര്‍മോണ്‍ കുത്തിവയ്പാണ് ഒരു മാര്‍ഗം.

ഉദ്ധാരണ പ്രശ്‌നങ്ങള്‍ മറി കടക്കാന്‍ സര്‍വ്വസമ്മിതി നേടിയ മരുന്നാണ് വയാഗ്രയെന്നു പറയാം. ഇത്തരത്തില്‍ ഇത് സഹായിക്കുമെങ്കിലും ധാരാളം പാര്‍ശ്വഫലങ്ങളും ഉണ്ടാക്കുന്നുണ്ട്.

ഉദ്ധാരണശേഷിക്കുറവിന് പലതരം കാരണങ്ങളുണ്ടാകാം. കാരണം കണ്ടെത്തിയാല്‍ ചികിത്സയും എളുപ്പമായിരിക്കും.

പങ്കാളിയുമായി ആരോഗ്യകരമായ മാനസിക ബന്ധമുണ്ടാകേണ്ടതും ലൈംഗികതക്ക് അത്യവശ്യമായ ഒരു കാര്യമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.