മെനോപോസ് ലൈംഗികത കുറയ്ക്കുന്നു

Wellness

oi-Saritha

By Veena

Updated: Friday, July 20, 2012, 12:42 [IST]

സ്ത്രീയുടെ ജീവിതത്തിന്റെ പരിണാമ കാലമായിത്തന്നെ മെനോപോസിനെ വിലിയിരുത്താം. ഈ സമയത്ത് സ്ത്രീകളില്‍ പല തരത്തിലുള്ള ശാരീരിക മാനസിക പ്രശ്‌നങ്ങളും ഉണ്ടാകാറുണ്ട്.

അന്‍പതുകളിലാണ് സാധാരണയായി മെനോപോസ് സംഭവിക്കാറ്. ഇത് ലൈംഗിക ജീവിതത്തേയും ഒരു പരിധി വരെ ബാധിക്കുന്നു. പൊതുവെ മെനോപോസിനോടനുബന്ധിച്ച് സ്ത്രീകള്‍ക്ക് ലൈംഗികബന്ധത്തില്‍ താല്‍പര്യം കുറയുന്നതായി കണ്ടുവരാറുണ്ട്. ഹോര്‍മോണ്‍ വ്യതിയാനങ്ങളാണ് ഇതിന് പ്രധാന കാരണം. ആര്‍ത്തവവിരാമം സംഭവിക്കുമ്പോള്‍ ഈസ്ട്രജന്‍ ഹോര്‍മോണ്‍ ഉല്‍പാദനം കുറയുന്നു. ഇത് ശരീരത്തെയും ചര്‍മത്തെയും ബാധിക്കും. ലൈംഗികതാല്‍പര്യം കുറയ്ക്കും.

മെനോപോസാകുമ്പോള്‍ സെക്‌സ് താല്‍പര്യം കുറയുന്നതില്‍ മാനസികമായ പ്രശ്‌നങ്ങള്‍ക്കും പങ്കുണ്ട്. ഹോര്‍മോണ്‍ വ്യതിയാനങ്ങള്‍ കാരണം ഡിപ്രഷന്‍ പോലുള്ള പ്രശ്‌നങ്ങളും ഉണ്ടാകാറുണ്ട്. ഇത് സെക്‌സിനോടുള്ള താല്‍പര്യം കുറയ്ക്കും.

ആര്‍ത്തവവിരാമം പല സ്ത്രീകളിലും ഡിപ്രഷന്‍ ഉണ്ടാക്കുവാന്‍ കാരണങ്ങളുമുണ്ട്. തങ്ങളുടെ ചെറുപ്പം നഷ്ടപ്പെട്ടു, പങ്കാളിക്കുള്ള താല്‍പര്യം പോകും തുടങ്ങിയ ചിന്തകള്‍ പല സ്ത്രീകളേയും അസ്വസ്ഥരാക്കും. ഇനിയൊരു വിഭാഗമുണ്ട്, വയസായി, ഇനി ഇത്തരം ചിന്തകളൊന്നും പാടില്ല എന്നുള്ളവര്‍.

മെനോപോസ് ശാരീരിക പ്രശ്‌നങ്ങളും ഉണ്ടാക്കുന്നുണ്ട്. പലരിലും ആര്‍ത്തവവിരാമം സെക്‌സ് വേദനിപ്പിക്കുന്ന അനുഭവമാകാറുണ്ട്. ലൈംഗിക അവയവത്തിലെ ലൂബ്രിക്കേഷന്‍ കുറയുന്നതാണ് ഇതിന് കാരണം. ഇത്തരം കാരണങ്ങളും സെക്‌സിനോടുള്ള താല്‍പര്യം കുറയ്ക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.