'ശരിക്കു കഴിക്കൂ', തടി കുറയും

Wellness

oi-Saritha

By Veena

Published: Tuesday, May 8, 2012, 11:56 [IST]

തടി കുറയ്ക്കാന്‍ പട്ടിണി കിടന്നിട്ടു കാര്യമില്ല. ആരോഗ്യത്തിന് ഭക്ഷണം വേണം. ഇത് ശരിയായ രീതിയില്‍ കഴിച്ചാല്‍ ഭക്ഷണത്തെ ഭയക്കേണ്ട.

ദിവസവും മൂന്നോ നാലോ തവണ ഭക്ഷണം കഴിയ്ക്കുക. ഒരു തവണ ഭക്ഷണം കഴിയ്ക്കാതിരുന്നാല്‍ വിശപ്പേറി അടുത്ത തവണ വാരി വലിച്ചു കഴിയ്ക്കും. തടി കൂടും. കൃത്യമായ സമയത്ത് ഭക്ഷണം കഴിയ്ക്കാന്‍ ശ്രദ്ധിക്കണം.

ധാന്യങ്ങള്‍, പ്രോട്ടീന്‍, പച്ചക്കറി, പഴവര്‍ഗങ്ങള്‍ തുടങ്ങിയവ ഭക്ഷണത്തില്‍ ഉള്‍പ്പെടുത്തണം. നോണ്‍ വെജ് വേണ്ടവര്‍ക്ക് മീന്‍ കഴിയ്ക്കാം. ഇറച്ചി വല്ലപ്പോഴുമാക്കുന്നതാണ് നല്ലത്. മുട്ടയും നല്ലൊരു ഭക്ഷണം തന്നെ. എല്ലാ തരം ഭക്ഷണങ്ങളും ഉള്‍പ്പെടുത്തി ബാലന്‍സ് ചെയ്ത ഭക്ഷണരീതി പിന്‍തുടരണം.

ആവശ്യത്തിനു മാത്രം കഴിയ്ക്കുക. കാരണവന്മാരുടെ ഭാഷയില്‍ പറഞ്ഞാല്‍ 'വയര്‍ അറിഞ്ഞു' കഴിയ്ക്കണം. ഭക്ഷണമെടുക്കാന്‍ ചെറിയ പാത്രം ഉപയോഗിക്കുന്നതായിരിക്കും അളവ് കുറയ്ക്കാന്‍ നല്ലത്.

സ്‌നാക്‌സ് ശീലങ്ങള്‍ കുറയ്ക്കുക. വറുത്തതും പൊരിച്ചതും കുറച്ച് പച്ചക്കറികളോ ഫലവര്‍ഗങ്ങളോ കഴിയ്ക്കാം. ഡ്രൈ ഫ്രൂട്‌സും സ്‌നാക്‌സായി ഉപയോഗിക്കാം.

ഭക്ഷണം കഴിച്ചു കഴിഞ്ഞാലുടന്‍ കിടക്കുകയും ഇരിക്കുകയുമല്ല വേണ്ടത്. അല്‍പം നടക്കാം. ദഹനത്തിന് ഇത് സഹായിക്കും. വണ്ണം കൂടുകയുമില്ല.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.