കുട്ടികളിലെ ഓട്ടിസം തിരിച്ചറിയാം

Wellness

oi-Saritha

By Veena

Published: Monday, May 7, 2012, 15:17 [IST]

ഓട്ടിസം എന്നത് ഒരു പ്രത്യേക അവസ്ഥയാണ്. മറ്റുള്ളവരുമായും ചുറ്റുപാടുകളുമായും ചേര്‍ന്ന് പ്രവര്‍ത്തിക്കാന്‍ സാധിക്കാത്ത ഒരു അവസ്ഥ. എന്നാല്‍ ഇത് മാനസികരോഗം, ബുദ്ധമാന്ദ്യം തുടങ്ങിയ ഗണങ്ങളില്‍ ഉള്‍പ്പെടുത്താനും സാധിക്കില്ല.

ആയിരത്തില്‍ ഒന്നോ രണ്ടോ എന്ന കണക്കിലാണ് ഓട്ടിസം കുട്ടികളില്‍ പ്രത്യക്ഷപ്പെടുന്നത്. പെണ്‍കുട്ടികളെ അപേക്ഷിച്ച് ആണ്‍കുട്ടികളിലാണ് ഇത് കൂടുതല്‍ കാണപ്പെടുന്നത്. സാധാരണ മൂന്നു വയസിനുള്ളില്‍ തന്നെ ഇത് തിരിച്ചറിയാനാകും. ഓട്ടിസമുള്ള കുട്ടികള്‍ പ്രദര്‍ശിപ്പിക്കുന്ന ചില പ്രത്യേക ലക്ഷണങ്ങളുണ്ട്.

സാധാരണ കുട്ടികള്‍ സംസാരിക്കുന്ന സമയത്ത് ഓട്ടിസം ബാധിച്ച കുട്ടികള്‍ സംസാരിക്കില്ല.

കുട്ടിക്ക് ഒരു വയസു കഴിഞ്ഞെങ്കിലും ഒരു വാക്കു പോലും സംസാരിക്കാതിരിക്കുന്നത് ഓട്ടിസം ലക്ഷണമാകാം.

സാധാരണ ഒന്നര, രണ്ടു വയസുള്ള കുട്ടികള്‍ മറ്റുള്ളവരെ അനുകരിക്കുന്നതു പതിവാണ്. ഇതില്‍ നിന്നും വ്യത്യസ്തമായി പരിസരവും ചുറ്റുപാടുകളുമായി യാതൊരു ബന്ധവും കുട്ടിയുടെ പെരുമാറ്റത്തില്‍ കാണുന്നില്ലെങ്കില്‍ അത് ഓട്ടിസം ലക്ഷണവുമാകാം.

ഓട്ടിസമുള്ള ചില കുട്ടികള്‍ക്ക് കേള്‍വിക്ക്് പ്രശ്‌നമുണ്ടാകും.

ഇവര്‍ മറ്റു കുട്ടികള്‍ക്കൊപ്പം കളിയ്ക്കാന്‍ താല്‍പര്യം കാണിക്കില്ല.

ഇത്തരം കുട്ടികള്‍ സംസാരിക്കാന്‍ തുടങ്ങിയാലും ചിലപ്പോള്‍ ചോദ്യങ്ങളോടൊന്നും പ്രതികരിച്ചെന്നു വരില്ല. ചോദിക്കുന്നതു തന്നെ അവര്‍ തിരിച്ചു ചോദിച്ചെന്നും വരാം.

ഓട്ടിസമുള്ള കുട്ടികള്‍ ചിലപ്പോള്‍ സംസാരിക്കുന്നത് പരസ്പരബന്ധമില്ലാതെയായിരിക്കും. പറയുന്നതിന് അര്‍ത്ഥമുണ്ടായില്ലെന്നും വരും.

പറഞ്ഞതു തന്നെ ആവര്‍ത്തിച്ചു പറയുന്നതും ഓട്ടിസമുള്ള കുട്ടികളുടെ പ്രത്യേകതയാണ്.

കുട്ടികളില്‍ മേല്‍പ്പറഞ്ഞ കാര്യങ്ങള്‍ കാണുകയാണെങ്കില്‍ അടിയന്തിരശ്രദ്ധ വേണം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.