ഫ്രൂട്‌സ് വെറുതേ കഴിച്ചാല്‍ പോരാ...

Wellness

oi-Saritha

By Veena

Published: Monday, April 23, 2012, 11:27 [IST]

പഴവര്‍ഗങ്ങള്‍ ആരോഗ്യത്തിന് അത്യന്താപേക്ഷിതമാണെന്ന കാര്യം പുതിയതൊന്നുമായിരിക്കില്ല. ഇവ കഴിയ്ക്കുന്നതു കൊണ്ടുള്ള ഗുണങ്ങള്‍ മിക്കവാറും പേര്‍ക്ക് അറിയുകയും ചെയ്യുമായിരിക്കും. എന്നാല്‍ ഫ്രൂട്‌സ് കഴിയ്ക്കുമ്പോഴും ചില കാര്യങ്ങള്‍ ശ്രദ്ധിക്കാനുണ്ടെന്നറിയാമോ.

ചിലരെങ്കിലും ഭക്ഷണശേഷമാണ് പഴവര്‍ഗങ്ങള്‍ കഴിയ്ക്കാന്‍ തെരഞ്ഞെടുക്കാറ്. ഇതാണ് ഭക്ഷണം കഴിയ്ക്കാന്‍ ശരിയായ സമയമെന്നും പലരും കരുതുന്നു. എന്നാല്‍ ഇതല്ല വാസ്തവം. ഭക്ഷണശേഷം പഴവര്‍ഗങ്ങള്‍ കഴിയ്ക്കുന്നത് ഇവ ശരിയായി ദഹിക്കാന്‍ ബുദ്ധിമുട്ടുണ്ടാക്കും. അതുകൊണ്ടുതന്നെ ഇവയിലെ പോഷകങ്ങള്‍ ശരീരത്തിന് ശരിയായ രീതിയില്‍ ലഭിച്ചെന്നു വരികയുമില്ല.

പഴങ്ങള്‍ കഴിയ്ക്കാന്‍ ഏറ്റവും പറ്റിയ സമയം രാവിലെയാണ്. ഒരു ഗ്ലാസ് വെള്ളം കുടിച്ചതിന് ശേഷം ഫ്രൂട്‌സ് കഴിച്ചു നോക്കൂ, ഫലം ഇരട്ടിയാകും.

ഫ്രൂട്‌സും സാധാരണ ഭക്ഷണവും കഴിയ്ക്കുന്നതിനിടയില്‍ അല്‍പം ഇടവേള വേണം. കുറഞ്ഞത് അരമണിക്കൂറെങ്കിലും. ഭക്ഷണത്തിന് ഒരു മണിക്കൂര്‍ മുന്‍പും ഭക്ഷണം കഴിഞ്ഞ് രണ്ടു മണിക്കൂറിന് ശേഷവും ഫ്രൂട്‌സ് കഴിയ്ക്കുന്നതാണ് ഏറ്റവും നല്ലത്. പ്രമേഹം, ദഹനപ്രശ്‌നങ്ങള്‍ എന്നിവ അകറ്റാനും ഇത് നല്ലതാണ്.

തൈരിനൊപ്പം പഴവര്‍ഗങ്ങള്‍ കഴിയ്ക്കുന്ന ശീലം ചിലര്‍ക്കെങ്കിലുമുണ്ട്. അസിഡിറ്റി, ദഹനക്കേട് തുടങ്ങിയ പ്രശ്‌നങ്ങളില്ലാത്തിടത്തോളം ഇങ്ങനെ ചെയ്യുന്നതില്‍ തെറ്റില്ല. പഴങ്ങളും ഡ്രൈഫ്രൂട്‌സുമായി കൂട്ടിച്ചേര്‍ത്തു കഴിയ്ക്കുന്നതു കൊണ്ടോ പഴങ്ങള്‍ ധാന്യങ്ങളില്‍ ചേര്‍ത്ത് കഴിയ്ക്കുന്നതു കൊണ്ടോ ദോഷമില്ല.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.