കിഡ്‌നി സ്‌റ്റോണ്‍ മാറാന്‍ വാഴപ്പിണ്ടി

കല്ലിന്റെ വലുപ്പം 5 മില്ലീമീറ്ററില്‍ കുറവാണെങ്കില്‍ ഇത് അലിയിച്ചു കളയാന്‍ ചെയ്യാവുന്ന വീട്ടുവൈദ്യങ്ങളുണ്ട്. എന്നാല്‍ കല്ലിന്റെ വലിപ്പം ഇതില്‍ കൂടുതലാണെങ്കില്‍ ലാപ്രോസ്‌കോപി വഴി ഒഴിവാക്കുകയോ മരുന്നകളുടെ സഹായത്തോടെ അലിയിച്ചു കളയുകയോ ചെയ്യണം.

കിഡ്‌നി സ്‌റ്റോണ്‍ വരുന്നതിനുള്ള ഒരു പ്രധാന കാരണം ആവശ്യത്തിന് വെള്ളം കുടിയ്ക്കാത്തതാണ്. ദിവസവും അഞ്ചു മുതല്‍ ആറു ലിറ്റര്‍ വരെ വെള്ളം കുടിയ്ക്കുന്നത് കിഡ്‌നി സ്‌റ്റോണ്‍ വരാതിരിക്കാനും ഈ പ്രശ്‌നം അകറ്റാനും സഹായിക്കും.

ഉലുവ രാത്രി മുഴുവന്‍ വെള്ളത്തിലിട്ടു കുതിര്‍ത്തി ആ വെള്ളം രാവിലെ വെറുംവയറ്റില്‍ കുടിയ്ക്കുക. കിഡ്‌നിയിലെ കല്ല് മാറുകയും ചെയ്യും, ശരീരത്തിലെ വിഷപദാര്‍ത്ഥങ്ങള്‍ അകലുകയും ചെയ്യും.

വാഴപ്പിണ്ടി വേവിച്ചു കഴിയ്ക്കുന്നത് ഈ രോഗത്തിനുള്ള പ്രതിവിധിയാണ്. വേവിച്ചു കഴിയ്ക്കുമ്പോള്‍ വേറെ വെള്ളം ചേര്‍ക്കാതെ ശ്രദ്ധിക്കണം. വാഴപ്പിണ്ടിയില്‍ തന്നെ വേണ്ടുവോളം വെള്ളമുണ്ട്. ഇതിലെ നാരുകളാണ് കിഡ്‌നി സ്‌റ്റോണ്‍ മാറാന്‍ സഹായിക്കുന്നത്.

സെലറി, മല്ലിയില എന്നിവയും കിഡ്‌നി സ്റ്റോണിനുള്ള പരിഹാരമാര്‍ഗങ്ങളാണ്. ഇവ കറികളിലും മറ്റും ചേര്‍ത്ത് ഉപയോഗിക്കാം. ഇവ വെള്ളത്തിലിട്ടു തിളപ്പിച്ച് ഈ വെള്ളം അരിച്ചു കുടിയ്ക്കുന്നതും നല്ലൊരു പരിഹാരമാര്‍ഗമാണ്.

എന്നാല്‍ രോഗം കൂടുതലായാല്‍ വൈദ്യസഹായം തേടേണ്ടതായി തന്നെ വരും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.