ഗര്‍ഭിണികള്‍ ഡയറ്റെടുത്താല്‍ കുഞ്ഞിന് അമിതവണ്ണം

Wellness

oi-Saritha

By Veena

Published: Monday, April 2, 2012, 14:23 [IST]

ഗര്‍ഭിണിയായിരിക്കെയും ഡയറ്റിന്റെ പേരില്‍ ഭക്ഷണം നിയന്ത്രിക്കുകയും കഴിയ്ക്കാതിരിക്കുകയും ചെയ്യുന്നവര്‍ ചുരുക്കമായെങ്കിലും ഉണ്ട്. ഗര്‍ഭകാലത്ത് ഡയറ്റെടുക്കുന്നത് കുഞ്ഞുങ്ങളില്‍ അമിതവണ്ണത്തിന് ഇടയാക്കുമെന്ന് പഠനഫലം. ഇവരില്‍ ടൈപ്പ് 2 പ്രമേഹത്തിനും സാധ്യത കൂടുതലാണ്.

യുകെയിലെ യൂണിവേഴ്‌സിറ്റി ഓഫ് മാഞ്ചെസ്റ്റര്‍ നടത്തിയ പഠനത്തിലാണ് ഇക്കാര്യം തെളിഞ്ഞത്. ഇരട്ടക്കുട്ടികളാണെങ്കില്‍ പ്രമേഹ, അമിത വണ്ണ സാധ്യതകള്‍ കൂടുതലാണെന്നും പഠനത്തില്‍ തെളിഞ്ഞു.

ഗര്‍ഭധാരണസമയത്തും ഗര്‍ഭത്തിന്റെ ആദ്യ ആഴ്ചയകളിലും ഡയറ്റെടുക്കുന്നവരിലാണ് ഇത്തരം സാധ്യതകള്‍ കൂടുതലായി കണ്ടു വരുന്നത്.

കുഞ്ഞുങ്ങളില്‍ ഈ പ്രശ്‌നം ജീവിതകാലം മുഴുവന്‍ നീണ്ടുനില്‍ക്കാന്‍ സാധ്യതയുള്ളതു കൊണ്ട് ഭക്ഷണ, ഡയറ്റ് കാര്യങ്ങളില്‍ ഗര്‍ഭകാലത്ത് അമ്മമാര്‍ കൂടുതല്‍ ശ്രദ്ധിക്കണമെന്നും പഠനറിപ്പോര്‍ട്ടില്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.