ഗര്‍ഭനിരോധന ഗുളിക തടി കൂട്ടുമോ?

എന്നാല്‍ ഗര്‍ഭനിരോധന ഗുളികകളും വണ്ണവുമായി കാര്യമായ ബന്ധമൊന്നുമില്ലെന്നാണ് വൈദ്യശാസ്ത്രം പറയുന്നത്. ചെറിയൊരു തോതില്‍, അതായത് രണ്ടു കിലോയേക്കാള്‍ കുറവ് തൂക്കവര്‍ദ്ധനവ് വന്നേക്കാം. അതും ചില സ്ത്രീകളില്‍ മാത്രം. ഇത് ഗുളികകളില്‍ അടങ്ങിയിരിക്കുന്ന ഈസ്ട്രജന്‍, പ്രൊജസ്ടിന്‍ എന്നീ രണ്ടു ഹോര്‍മോണുകള്‍ കാരണമാണ്. ഇവ ശരീരത്തില്‍ വെള്ളം കെട്ടിനില്‍ക്കാന്‍ ഇട വരുത്തുന്നു. ഇതാണ് വണ്ണം കൂടുന്നതായി തോന്നുന്നത്.

ഇത്തരം തടി താല്‍ക്കാലികം മാത്രമാണ്. ഈ ഗുളികകളുടെ ഉപയോഗം നിര്‍ത്തിയാല്‍ വര്‍ദ്ധിച്ച ശരീരഭാരം താനെ കുറയുകയും ചെയ്യും. പ്രൊജസ്ടിന്‍ ചിലരില്‍ വിശപ്പു കൂടാന്‍ ഇടയാക്കുന്നു. ഇത് വളരെ ചുരുക്കം ചിലരില്‍ തടി പോകാതിരിക്കാന്‍ കാരണമാവുകയും ചെയ്യും. കാരണം ഭക്ഷണം കഴിച്ചുണ്ടാകുന്ന തടി വ്യായാമം കൊണ്ടും ഭക്ഷണനിയന്ത്രണം കൊണ്ടും മാത്രമെ കുറയുകയുള്ളൂ.

ചില സ്ത്രീകളില്‍ ഗര്‍ഭനിരോധന ഗുളികകള്‍ ഡിപ്രഷന് ഇട വരുത്തുന്നുണ്ട്. ഡിപ്രഷന്‍ വരുമ്പോള്‍ ചിലര്‍ സ്വാഭാവികമായും തടിയ്ക്കും. ഇത്തരം കേസുകളിലും ഗര്‍ഭനിരോധന ഗുളികകള്‍ പരോക്ഷമായി വണ്ണം കൂടുന്നതിന് കാരണമാകുന്നെന്നു പറയാം.

എന്നാല്‍ ഗര്‍ഭനിരോധന ഗുളികകള്‍ കഴിയ്ക്കുന്നത് നേരിട്ട് തടി വര്‍ദ്ധിക്കാന്‍ കാരണമാകുന്നില്ലെന്നതാണ് പഠനങ്ങള്‍ കാണിക്കുന്നത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.