ആര്‍ത്തവ അസ്വസ്ഥതകള്‍ കുറയ്ക്കാം

Wellness

oi-Saritha

By Veena

Published: Tuesday, March 27, 2012, 11:44 [IST]

തികച്ചുമൊരു ശാരീരിക പ്രക്രിയയാണെങ്കിലും ആര്‍ത്തവദിനങ്ങള്‍ ആര്‍ക്കും അത്ര സുഖകരമായിരിക്കില്ല. ശാരീരിക അസ്വസ്ഥകള്‍ക്കൊപ്പം മൂഡ് മാറിമാറി വരുന്നതും സ്ത്രീകളില്‍ പതിവ്. ഇത്തരം അസ്വസ്ഥതകള്‍ പൂര്‍ണമായും ഒഴിവാക്കാനാകില്ലെങ്കിലും ഒരു പരിധി വരെയെങ്കിലും ഒഴിവാക്കാം.

ഭക്ഷണകാര്യത്തില്‍ ശ്രദ്ധ വേണ്ട സമയമാണിത്. ശരീരത്തില്‍ നിന്നും രക്തം നഷ്ടപ്പെടുന്നതു കൊണ്ടുതന്നെ അയേണ്‍ അടങ്ങിയ ഭക്ഷണം പ്രധാനം. ഇലക്കറികള്‍, പച്ചക്കറികള്‍, ഫലവര്‍ഗങ്ങള്‍ എന്നിവ നിര്‍ബന്ധമായും കഴിച്ചിരിക്കണം. മുട്ട, ഇറച്ചി എന്നിവ ഒഴിവാക്കുന്നതായിരിക്കും നല്ലത്.

വ്യായാമം നന്നെങ്കിലും ശരീരത്തിന് ആയാസമുണ്ടാക്കുന്ന വിധത്തിലുള്ളവ വേണ്ട. നടക്കുന്നത് ഗുണം ചെയ്യും. രാത്രി എട്ടു മണിക്കൂര്‍ ഉറങ്ങിയാല്‍ തന്നെ ശരീരത്തിന് ആവശ്യമായ വിശ്രമം ലഭിക്കും.

ശാരീരിക ശുചിത്വം പ്രധാനം. നാല്-ആറ് മണിക്കൂര്‍ ഇടവിട്ട് സാനിറ്ററി നാപ്കിന്‍ മാറ്റണം. അല്ലെങ്കില്‍ അണുബാധയുണ്ടാകാന്‍ സാധ്യത കൂടുതലാണ്. രണ്ടു നേരവും കുളിയ്ക്കുന്നത് നല്ലതായിരിക്കും. ചൂടുവെള്ളത്തില്‍ കുളിച്ചാല്‍ വയര്‍, കൈകാല്‍ വേദന എന്നിവ കുറഞ്ഞു കിട്ടും. അടിവസ്ത്രം രണ്ടുനേരവും മാറ്റേണ്ടതും പ്രധാനം.

കഴിവതും കോട്ടന്‍ വസ്ത്രങ്ങള്‍ ഉപയോഗിക്കുക. അതും അയഞ്ഞ വസ്ത്രങ്ങള്‍ ഉപയോഗിക്കുന്നത് കൂടുതല്‍ സുഖം നല്‍കും.

പാട്ടു കേള്‍ക്കുക, വായിക്കുക തുടങ്ങിയ ഹോബികള്‍ മാനസിക അസ്വസ്ഥതകള്‍ കുറയ്ക്കാന്‍ സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.