ഉറക്കഗുളികയുടെ പാര്‍ശ്വഫലങ്ങള്‍

Wellness

oi-Saritha

By Veena

Published: Friday, March 16, 2012, 15:49 [IST]

ഉറക്കമില്ലായ്മയും അതേത്തുടര്‍ന്നുള്ള അസ്വസ്ഥതകളും പലരേയും അലട്ടുന്ന ഒന്നാണ്. നല്ല ഉറക്കത്തിന് ചിലര്‍ കണ്ടുപിടിയ്ക്കുന്ന മാര്‍ഗമാണ് സ്ലീപ്പിംഗ് പില്‍സ്. ചില പ്രത്യേക കേസുകളില്‍ ഡോക്ടര്‍മാര്‍ രോഗികള്‍ക്കും ഇത് നിര്‍ദേശിക്കാറുണ്ട്. എങ്ങനെയായാലും സ്ലീപ്പിംഗ് പില്‍സുണ്ടാക്കുന്ന പ്രശ്‌നങ്ങള്‍ അറിഞ്ഞിരിക്കേണ്ടത് ആവശ്യം.

ഇവ ഉപയോഗിച്ചു ശീലമായാല്‍ പിന്നെ ഇവയില്ലാതെ ഉറക്കം വരില്ലെന്ന സ്ഥിതിയാകും. മയക്കുമരുന്നിനോട് തോന്നുന്ന അടിമത്തമാണ് ഉറക്കഗുളികയും ഉണ്ടാക്കുന്നത്.

ഉറക്കഗുളികകള്‍ ശ്വസനം പതുക്കെയാക്കുന്നുണ്ട്. ആസ്തമ രോഗികള്‍ ഇവ ഉപയോഗിക്കുന്നത് നല്ലതല്ല. അതുപോലെ ശ്വസനസംബന്ധമായ പ്രശ്‌നങ്ങളുള്ളവര്‍ ഇത് ഉപയോഗിക്കരുത്.

ശരീരത്തിലെ അപചയപ്രവര്‍ത്തനങ്ങളെ ഉറക്കഗുളിക ബാധിക്കും. വിശപ്പു കുറയും. രാവിലെ ഉണര്‍ന്നെഴുന്നേല്‍ക്കുമ്പോള്‍ ക്ഷീണം, തലവേദന, അമിതമായ ദാഹം തുടങ്ങിയവ മറ്റു പ്രശ്‌നങ്ങള്‍.

ഉറക്കഗുളിക കഴിച്ച് ഉറങ്ങുമ്പോള്‍ പലപ്പോഴും ബോധമില്ലാത്ത അവസ്ഥയിലേക്ക് ശരീരവും മനസും വീണ്ടുപോകുന്നുണ്ട്. വിചിത്രസ്വപ്‌നങ്ങള്‍ കാണുന്നത് ഇതിന്റെ ഒരു ലക്ഷണം.

സ്ലീപ്പിംഗ് പിലസ് ഉപയോഗിക്കുന്നവരില്‍ പാരാസോമ്‌നിയ എന്നൊരു പ്രശ്‌നം സാധാരണയായി കണ്ടുവരാറുണ്ട്. ചുവരുകളും ചുറ്റുപാടുകളും വിറയ്ക്കുന്നതായി തോന്നും. തല ചുറ്റുന്നതായി അനുഭവപ്പെടും.

മദ്യത്തോടൊപ്പം സ്‌ലീപ്പിംഗ് പില്‍സ് കഴിച്ചാല്‍ മരണം പോലും സംഭവിക്കാന്‍ സാധ്യതയുണ്ട്.

അത്യാവശ്യ സന്ദര്‍ഭങ്ങളിലാണെങ്കിലും ഡോക്ടറുടെ നിര്‍ദേശാനുസാരണം മാത്രമെ സ്ലീപ്പിംഗ് പില്‍സ് ഉപയോഗിക്കാവൂ എന്ന കാര്യം ഓര്‍ത്തിരിക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.