ഉറക്കത്തിനും വേണം ആരോഗ്യം

Published: Friday, March 16, 2012, 17:31 [IST]

ഉറക്കം ആരോഗ്യത്തിന് വളരെ പ്രധാനം. ഒരാള്‍ ദിവസം എത്ര സമയം ഉറങ്ങണം എന്ന കാര്യത്തില്‍ മണിക്കൂറുകളുടെ ദൈര്‍ഘ്യം മാറിക്കൊണ്ടിരിക്കും.

എന്നാല്‍ മണിക്കൂറുകളുടെ കണക്കല്ലാ, ഉറക്കം മതിയാകുന്നതു വരെ ഉറങ്ങുക എന്നതാണ് ഏറ്റവും നല്ലത്.

സ്വാഭാവികമായ ഉറക്കരീതികള്‍ അറിയണം. ഉറക്കം വരാന്‍ വേണ്ടി കണ്ണടച്ചു കിടക്കുന്നതോ ഉണരാന്‍ അലാറത്തിന്റെ സഹായം തേടുന്നതോ ശരിയായ ഉറക്കരീതിയെന്നു പറയാനാവില്ല.

ഉറക്കം വരുമ്പോള്‍ സ്വാഭാവികമായി കണ്ണുകളടഞ്ഞു പോകുന്നതു പോലെ തനിയെ ഉറക്കമുണരാനും കഴിയണം. അലാറം വച്ചു ബദ്ധപ്പെട്ടെഴുന്നേറ്റാല്‍ അതിനെ സ്വാഭാവികമായ ഉണരലാണെന്നു പറയാനാവില്ല.

കിടക്കുന്നതിന് ഒന്നു രണ്ടു മണിക്കൂര്‍ മുന്‍പ് ഭക്ഷണം കഴിയ്ക്കുക, ഉറങ്ങാന്‍ നേരം പുസ്തകം വായിക്കുകയോ, പാട്ടു കേള്‍ക്കുകയോ ചെയ്യുക എന്നിവ നല്ല ഉറക്കത്തിന് സഹായിക്കും. ഭക്ഷണത്തിന് ശേഷം നടക്കുന്നതും നല്ല ശീലമാണ്.

കിടപ്പു മുറിയില്‍ ഉറങ്ങാന്‍ അനുയോജ്യമായ സാഹചര്യമൊരുക്കുകയും പ്രധാനം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.