മസില്‍ വേണമെങ്കില്‍ ഇവ ഒഴിവാക്കൂ

Wellness

oi-Saritha

By Veena

Published: Tuesday, March 13, 2012, 10:09 [IST]

മസിലുണ്ടാകാന്‍ ആഗ്രഹിക്കാത്ത പുരുഷന്മാര്‍ കുറവായിരിക്കും. ഇതിനു വേണ്ടി കഴിക്കേണ്ട ചില ഭക്ഷണങ്ങളും ചെയ്യേണ്ട ചില വ്യായാമങ്ങളുമുണ്ട്. എന്നാല്‍ മസിലിന് വേണ്ടി കഴിയ്ക്കരുതാത്ത ചില ഭക്ഷണങ്ങളുമുണ്ട്.

പായ്ക്കറ്റ് ഭക്ഷണങ്ങള്‍ മസിലിന് തടസം നില്‍ക്കുന്ന ഭക്ഷണങ്ങളാണെന്നു പറയാം. ഇവയില്‍ കൊഴുപ്പു കൂടുതലായിരിക്കും. കൂടാതെ പഞ്ചസാര, ഉപ്പ് തുടങ്ങിയ പദാര്‍ത്ഥങ്ങളും ഇതില്‍ കൂടുതലായിരിക്കും. ഐസ്‌ക്രീം, കോള പോലുള്ള പാനീയങ്ങള്‍, ബിസ്‌ക്കറ്റുകള്‍ എന്നിവ ഇതില്‍ പെടുന്നു. ഇത്തരം ഭക്ഷണങ്ങള്‍ ശരീരത്തിലെ ഹോര്‍മോണ്‍ ബാലന്‍സ് തെറ്റിക്കും. ഇതു കൊണ്ട് ശരീരത്തില്‍ കൂടുതല്‍ അഡിപോസ് ടിഷ്യൂ അടിഞ്ഞുകൂടുകയും ചെയ്യും. അമിത വണ്ണത്തിനാണ് ഇത് വഴിയൊരുക്കുക.

സാധാരണ ഗതിയില്‍ ജിമ്മില്‍ പോയി വ്യായാമം ചെയ്യുന്നവരോട് കാര്‍ബോഹൈഡ്രേറ്റ് കലര്‍ന്ന ഭക്ഷണസാധനങ്ങള്‍ കഴിയ്ക്കുവാന്‍ പറയാറുണ്ട്. അരി, ഉരുളക്കിഴങ്ങ്, ബ്രെഡ് തുടങ്ങിയവ ഇത്തരം ഭക്ഷണങ്ങളാണ്. എന്നാല്‍ ഇവ ശരിയായ രീതിയിലല്ലാ, പാചകം ചെയ്യുന്നതെങ്കില്‍ കൊഴുപ്പിന് ഇടയാക്കും. ഉരുളക്കിഴങ്ങും അരിയും വേവിച്ചും കഴിയ്ക്കാം. എന്നാല്‍ ഇതിന് പകരം ഫ്രൈഡ് റൈസ്, പൊട്ടെറ്റോ ചിപ്‌സ, ഫിംഗര്‍ ചിപ്‌സ് എന്നിവ കൊഴുപ്പടിയാനാണ് ഇടയാക്കുക.

ഇതുപോലെയാണ് ജ്യൂസുകളുടേയും കാര്യം. ഫ്രഷ് ജ്യൂസ് മസിലിന് നല്ലതാണ്. എന്നാല്‍ പായ്ക്കറ്റില്‍ വരുന്ന ജ്യൂസില്‍ ധാരാളം പഞ്ചസാരയും മറ്റ് പദാര്‍ത്ഥങ്ങളും ചേര്‍ത്തിട്ടുണ്ട്. ഇവ രക്തത്തിലെ പഞ്ചസാരയുടെ അളവ് കൂട്ടുവാനും അങ്ങനെ കൊഴുപ്പടിഞ്ഞു കൂടുവാനും ഇടവരുത്തും.

പാലും പാലുല്‍പന്നങ്ങളും ഒരു പരിധി വരെ മസിലിനെ സഹായിക്കും. എന്നാല്‍ കൊഴുപ്പില്ലാത്തവ ഉപയോഗിക്കാന്‍ ശ്രദ്ധിക്കണം. അല്ലെങ്കില്‍ മസിലിനു പകരം അമിതവണ്ണമായിരിക്കും ഫലം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.