വേനല്‍ക്കാലത്ത് കുറച്ചു കഴിയ്ക്കുക

ദഹനപ്രശ്‌നങ്ങള്‍ അകറ്റാന്‍ പ്രധാനം ആവശ്യത്തിന് മാത്രം ഭക്ഷണം കഴിയ്ക്കുകയെന്നതാണ്. വാരിവലിച്ചു കഴിയ്ക്കുന്നത് ഒഴിവാക്കണം. മസാല, എണ്ണ തുടങ്ങിയവ കഴിവതും ഒഴിവാക്കുക. കുറേശെ ഭക്ഷണം പല സമയങ്ങളിലായി കഴിയ്ക്കുന്നതാണ് കൂടുതല്‍ നല്ലത്.

മാംസഭക്ഷണം കഴിവതും കുറയ്ക്കുന്നതാണ് വേനല്‍ക്കാലത്ത് നല്ലത്. ദഹനപ്രശ്‌നങ്ങള്‍ ഒഴിവാക്കാന്‍ ഇത് പ്രധാനമാണ്. പച്ചക്കറികളും പഴവര്‍ഗങ്ങളും കൂടുതല്‍ കഴിയ്ക്കുക. മാംസാഹാരം നിര്‍ബന്ധമെങ്കില്‍ മീന്‍ കഴിയ്ക്കാം. അതും വറുക്കാതെ. കറി വച്ചോ ഗ്രില്‍, ബേക്ക് ചെയ്‌തോ കഴിയ്ക്കാം.

വെള്ളം ധാരാളം കുടിയ്‌ക്കേണ്ടത് ഏറ്റവും പ്രധാനം. ശരീരത്തിന് ആവശ്യത്തിനുള്ള വെള്ളം ലഭിച്ചില്ലെങ്കില്‍ ഡീഹൈഡ്രേഷന്‍ ഉണ്ടാകാന്‍ സാധ്യത കൂടുതലാണ്. തക്കാളി, ആപ്പിള്‍, പെയര്‍, തണ്ണിമത്തന്‍, കുക്കുമ്പര്‍, മധുരക്കിഴങ്ങ്, ചേന തുടങ്ങിയവ വേനല്‍ക്കാലത്തിന് ചേര്‍ന്ന ഭക്ഷണക്രമങ്ങളാണ്.

മല്ലി, ഉലുവ, ഏലയ്ക്ക, ജീരകം, പെരുഞ്ചീരകം, ഇഞ്ചി, വെളുത്തുള്ളി തുടങ്ങിയവ ദഹനത്തെ സഹായിക്കുന്ന ചില മസാലകളാണ്. ഇവ ഉപയോഗിക്കാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.