തടി കുറയ്ക്കാം, സ്ത്രീകള്‍ക്ക് മാത്രം

പ്രോട്ടീന്‍ കൂടുതല്‍ ആവശ്യമുള്ള ഡയറ്റാണ് പുരുഷനു വേണ്ടത്. സ്ത്രീക്കാവട്ടെ, പ്രോട്ടീന്‍ കുറഞ്ഞ ഡയററും. കാല്‍സ്യത്തിന്റെ ആവശ്യം അധികമുള്ളതിനാല്‍ സ്ത്രീകള്‍ക്ക് പാലുല്‍പന്നങ്ങള്‍ പൂര്‍ണമായും ഒഴിവാക്കുകയെന്നതും സാധിക്കില്ല. തടി കുറയ്ക്കുകയും അതേ സമയം ആരോഗ്യം നല്‍കുകയും ചെയ്യുന്ന ചില ഭക്ഷണസാധനങ്ങള്‍ സ്ത്രീകള്‍ക്ക് തെരഞ്ഞെടുക്കാം.

ഒാട്‌സ് ധാരാളം നാരുകള്‍ അടങ്ങിയ ഭക്ഷണപദാര്‍ത്ഥമാണ്. വിശപ്പു മാറാനും ഇത് നല്ലതാണ്. കൊഴുപ്പു കൂട്ടാതെ ആരോഗ്യം സംരക്ഷിക്കാന്‍ ഓട്‌സ് ഭക്ഷണത്തില്‍ ഉള്‍പ്പെടുത്താം.

മുട്ട പ്രഭാതഭക്ഷണത്തില്‍ ഉള്‍പ്പെടുത്തുന്നത് നല്ലതാണ്. നല്ലൊരു സമീകൃതാഹാരമായ മുട്ട ശരീരത്തിന് ആവശ്യമായ പ്രോട്ടീനുകള്‍ നല്‍കും. കൊളസ്‌ട്രോള്‍ ഉണ്ടെങ്കില്‍ മുട്ടമഞ്ഞ ഒഴിവാക്കുന്നതാണ് നല്ലത്.

ആര്‍ത്തവത്തിലൂടെ രക്തം നഷ്ടപ്പെടുന്നതിനാല്‍ സ്ത്രീകള്‍ക്ക് അയേണ്‍ അടങ്ങിയ ഭക്ഷണം പ്രധാനമാണ്. ചീര, ബ്രൊക്കോളി എന്നിവ ആഹാരത്തില്‍ ഉള്‍പ്പെടുത്താം. ഇവ കൊഴുപ്പു കൂട്ടാതെ ശരീരത്തിന് ആവശ്യമായ പോഷകങ്ങള്‍ നല്‍കുന്ന ഒന്നാണ്.

ദിവസവും കൊഴുപ്പു കുറഞ്ഞ പാല്‍ കുടിയ്ക്കുന്നത് കാല്‍സ്യത്തിന്റെ കുറവു പരിഹരിക്കും. തൈരും കൊഴുപ്പു കുറഞ്ഞ പാലുല്‍പന്നങ്ങളും ഭക്ഷണത്തില്‍ ഉള്‍പ്പെടുത്താം.

മീനിലെ ഒമേഗ ഫാറ്റി ആസിഡ് ശരീരത്തിന് മാത്രമല്ലാ, മിനുസമുളള ചര്‍മത്തിനും നല്ല മുടിക്കും പ്രധാനമാണ്. അതുകൊണ്ടു തന്നെ സ്ത്രീകള്‍ക്ക് ഭക്ഷണക്രമത്തില്‍ ഉള്‍പ്പെടുത്താവുന്ന നല്ലൊരു ഭക്ഷണമാണിത്.

പച്ചക്കറികളും പഴവര്‍ഗങ്ങളും സ്ത്രീകള്‍ക്കും പുരുഷന്മാര്‍ക്കും ഒരുപോലെ ഉപയോഗിക്കാം. കാരണം ഇവ തടി കൂട്ടില്ലെന്നതു തന്നെ കാരണം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.