ഭക്ഷണശീലത്തിനും സെന്‍സ് വേണം

Wellness

oi-Saritha

By Veena

Published: Wednesday, February 29, 2012, 13:23 [IST]

ഭക്ഷണശീലങ്ങള്‍ നല്ലതും ചീത്തയുമുണ്ട്. ഇവ തിരിച്ചറിയാന്‍ സെന്‍സുണ്ടാകണം. നല്ല ശീലം ആരോഗ്യത്തെ നന്നാക്കും. ചീത്ത കേടാക്കുകയും ചെയ്യും. ചില ചീത്ത ഭക്ഷണശീലങ്ങള്‍ ഏറ്റവും ലളിതമായി ഇതാ, ഇതറിഞ്ഞാല്‍ അത് നല്ലതാക്കാം, നല്ലതിലേക്കു മാറുകയും ചെയ്യാം.

1. ബ്രേക് ഫാസ്‌ററ് ഒഴിവാക്കുന്നത്. ഒന്നാന്തരം ദുശീലമാണിത്. ഏതു ഭക്ഷണം ഒഴിവാക്കിയാലും ബ്രേക്ഫാസ്റ്റ് ഒഴിവാക്കരുത്. രാത്രിയിലെ നീണ്ട ഇടവേളക്കു ശേഷം ശരീരത്തിന് ഊര്‍ജം വേണം, ഭക്ഷണം വേണം.

2. കിടക്കുന്നതിന് തൊട്ടു മുന്‍പ് ഭക്ഷണം കഴിയ്ക്കുന്നത്. ഇത് ദഹനത്തിന് പ്രശ്‌നം വരുത്തും. രണ്ടു മണിക്കൂര്‍ മുന്‍പ് കഴിയ്ക്കുന്നത് ഏറെ നല്ലത്.

3. വയറു നിറഞ്ഞാലും ഇഷ്ടമുള്ള വിഭവമാണെങ്കില്‍ വീണ്ടും കഴിച്ചുകൊണ്ടിരിക്കുന്നവരുണ്ട്. ഇത് തടി കൂട്ടുവാനേ ഉതകൂ.

4. ഭക്ഷണം ചവച്ചരച്ചു കഴിയ്ക്കാതെ വിഴുങ്ങുന്നവരുണ്ട്. എന്തു പ്രയോജനം.

5. ടിവി കാണുമ്പോഴും വായിക്കുമ്പോഴും എന്തെങ്കിലും കൊറിച്ചുകൊണ്ടിരിക്കുന്ന ശീലം ഭൂരിഭാഗം പേര്‍ക്കുമുണ്ട്. എത്രത്തോളം കഴിയ്ക്കുമെന്നതിന് ഇത്തരക്കാര്‍ക്ക് ഒരു കണക്കുമുണ്ടാകില്ലെന്നതു തന്നെ ദോഷം.

6. പട്ടിണി കിടക്കുന്നത്. ഡയറ്റ് എന്ന് പേരിടുകയും ചെയ്യും. ഭക്ഷണം ഉപേക്ഷിക്കുന്നതല്ല ഡയറ്റെന്ന് മനസിലാക്കുക.

7. ഭക്ഷണത്തിന് ശേഷം വെള്ളം കുടിയ്ക്കാതിരിക്കുന്നത് ദഹനത്തിന് പ്രശ്‌നമുണ്ടാക്കും. ആവശ്യത്തിന് വെള്ളം കുടിയ്ക്കാത്തത് മോശം ഭക്ഷണശീലം തന്നെയാണ്.

ഇത്തരം ശീലങ്ങള്‍ക്ക് പകരം നല്ലവ സ്വീകരിക്കൂ. ആരോഗ്യവും നന്നാവും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.