വെണ്ണയുടെ ആരോഗ്യ രഹസ്യങ്ങള്‍

Wellness

oi-Saritha

By Veena

Published: Monday, February 27, 2012, 10:51 [IST]

വെണ്ണയും നെയ്യുമൊക്കെ കൊഴുപ്പും തടിയും കൂട്ടുമെന്നാണ് പൊതുവെയുള്ള വിശ്വാസം. അതുകൊണ്ടു തന്നെ ഇവ ഭക്ഷണത്തില്‍ നിന്നും പാടെ ഉപേക്ഷിക്കുന്നവരുമുണ്ട്. എന്നാല്‍ വെണ്ണയ്ക്ക് ചില ആരോഗ്യവശങ്ങളുമുണ്ട്.

വെണ്ണയില്‍ കാല്‍സ്യം, വൈറ്റമിന്‍ ബി12, പ്രോട്ടീന്‍ എന്നിവ അടങ്ങിയിട്ടുണ്ട്. അതുകൊണ്ടു തന്നെ എല്ലുതേയ്മാനം പോലുള്ള രോഗങ്ങള്‍ തടയാന്‍ ഇത് നല്ലതാണ്.

മുലപ്പാലിന്റെ ഉല്‍പാദനത്തിന് വെണ്ണ നല്ലതാണ്. ഗര്‍ഭിണിയായ സ്ത്രീകള്‍ വെണ്ണ കഴിയ്ക്കുന്നത് നല്ലതുമാണ്. ഗര്‍ഭിണിയായിരിക്കെ വെണ്ണ കഴിയ്ക്കുന്നതു കൊണ്ട് അമ്മയുടേയും കുഞ്ഞിന്റെയും എല്ലുബലം കൂടുകയും ചെയ്യുന്നു.

വെണ്ണയില്‍ അടങ്ങിയിരിക്കുന്ന ലിനോലെയിക് ആസിഡ്, സ്പിന്‍ഗോലിപിഡ്‌സ് എന്നിവ ക്യാന്‍സര്‍ വരാതെ തടയാന്‍ നല്ലതാണ്.

ആവശ്യത്തിന് ശരീരഭാരമില്ലാത്തവര്‍ക്ക് തൂക്കം കൂടുവാന്‍ വെണ്ണ സഹായിക്കും. വെണ്ണയില്‍ കൊഴുപ്പിനൊപ്പം കാല്‍സ്യം, ധാതുക്കള്‍, പ്രോട്ടീനുകള്‍, വൈറ്റമിനുകള്‍ എന്നിവ അടങ്ങിയിട്ടുണ്ട്.

മൈഗ്രെയ്ന്‍ തടയാന്‍ വെണ്ണ നല്ലതാണ്. വെണ്ണയിലെ കാല്‍സ്യമാണ് ഇതിന് സഹായിക്കുന്നത്. പ്രീമെന്‍സ്ട്രല്‍ സിന്‍ഡ്രോം തടയുന്നതിനും വെണ്ണ വളരെ നല്ലതാണ്.

പുരുഷന്മാരില്‍ മസില്‍ ശക്തിക്ക് വെണ്ണ വളരെ നല്ലതാണ്. ഇതിലെ ഫോസ്ഫറസ്, സിങ്ക്‌സ വൈറ്റമിന്‍ എ, റൈബോഫ്‌ളേവിന്‍, വൈറ്റമിന്‍ ബി 12 എന്നിവയാണ് ഇതിന് സഹായിക്കുന്നത്.

ഇവയ്ക്കു പുറമെ പല്ല്, ചര്‍മം തുടങ്ങിയവയുടെ ആരോഗ്യത്തിനും വെണ്ണ നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.