സൗന്ദര്യം ഭക്ഷണത്തിലൂടെ

Wellness

oi-Saritha

By Veena

Published: Saturday, February 25, 2012, 12:13 [IST]

നിങ്ങള്‍ക്കും സുന്ദരിയാകാം. അതും ഭക്ഷണത്തിലൂടെ. നല്ല ഭക്ഷണം, നല്ല വ്യായാമം എന്നിവ തന്നെയാണ് സൗന്ദര്യത്തിന്റെയും മൂലാധാരം. ചര്‍മമായാലും മുടിയായാലും നഖമായാലും അടിസ്ഥാനം നല്ല ഭക്ഷണം തന്നെ.

അമിതവണ്ണം സൗന്ദര്യത്തെ കെടുത്തുന്ന ഒരു ഘടകമാണ്. നല്ല മുഖമുണ്ടെങ്കിലും കൊഴുത്തു തടിച്ച ശരീരമുണ്ടെങ്കില്‍ തീര്‍ന്നില്ലേ..

നല്ല ഭക്ഷണം തെരഞ്ഞെടുത്തു കഴിയ്ക്കണം. ഇത് കൊഴുപ്പടങ്ങിയതാകരുത്. എന്നാല്‍ ആവശ്യമുള്ള പോഷകങ്ങള്‍ എല്ലാം തന്നെ ഉള്‍പ്പെടുന്നതുമാകണം.

പഴങ്ങള്‍, പച്ചക്കറികള്‍ എന്നിവ ധൈര്യമായി കഴിയ്ക്കാം. ഇവയില്‍ കൊഴുപ്പടങ്ങിയിട്ടില്ല. എന്നാല്‍ പോഷകങ്ങള്‍ വേണ്ടുവോളം ഉണ്ടുതാനും. ശരീരത്തിനും സൗന്ദര്യത്തിനും ധാന്യങ്ങളും ആവശ്യമാണ്. ഇവ തെരഞ്ഞെടുക്കുമ്പോള്‍ ശ്രദ്ധ വേണമെന്നു മാത്രം. അരിയില്‍, പ്രത്യേകിച്ച് വെള്ള അരിയില്‍ കൊഴുപ്പു കൂടുതലാണ്. തവിടു കളയാത്ത അരി ഉപയോഗിക്കുകയാണ് കൂടുതല്‍ നല്ലത്. ഓട്‌സ് പോലുള്ള ധാന്യങ്ങള്‍ ഉപയോഗിക്കുന്നത് നല്ലതാണ്. കടല, പയര്‍വര്‍ഗങ്ങള്‍ എന്നിവ ആരോഗ്യത്തെയും സൗന്ദര്യത്തെയും സഹായിക്കുന്ന ഭക്ഷണഘടകങ്ങളും.

കൊഴുപ്പു നീക്കിയ പാല്‍, തൈര് എന്നിവ ഏറെ ഗുണം ചെയ്യും. ധാരാളം വെള്ളം കുടിയ്ക്കണം. ഇത് സൗന്ദര്യത്തിനും ആരോഗ്യത്തിനും ഒരുപോലെ അത്യാവശ്യമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.