കോള്‍ഡുള്ളപ്പോള്‍ ഫ്രൂട്‌സ് ആകാമോ?

കോള്‍ഡ് തനിയെ മാറുമെന്നു കരുതി കാത്തിരിക്കാതെ എത്രയും പെട്ടെന്ന് ചെയ്യാവുന്ന ചികിത്സകള്‍ ചെയ്യണം. ഇത് വീട്ടില്‍ തന്നെ ചെയ്യാവുന്നതുമാണ്.

കുരുമുള്, ചുക്കുകാപ്പി, ആവി പിടിക്കല്‍ തുടങ്ങിയവ കോള്‍ഡിനായി സാധാരണ ചെയ്തു വരുന്ന പരിഹാരമാര്‍ഗങ്ങളാണ്. കോള്‍ഡുള്ളപ്പോള്‍ ധാരാളം വെള്ളം കുടിയ്ക്കണം. അതും ചൂടുള്ള വെള്ളം. തൊണ്ടവേദന കുറയ്ക്കാനും ശരീരത്തിന് ഈര്‍പ്പം നല്‍കാനും ഇത് സഹായിക്കും.

കോള്‍ഡുള്ളപ്പോള്‍ പഴവര്‍ഗങ്ങള്‍ കഴിയ്ക്കരുതെന്ന് പൊതുവെ പറയും. എന്നാല്‍ ഈ സമയത്തും പഴവര്‍ഗങ്ങള്‍ കഴിയ്ക്കാം. ഫ്രിഡ്ജില്‍ നിന്നെടുത്ത പടി കഴിയ്ക്കരുതെന്നേയുള്ളൂ. ശരീരത്തിന് പ്രതിരോധശേഷി നല്‍കാന്‍ പഴങ്ങളും പച്ചക്കറികളും സഹായിക്കും. പച്ചക്കറികള്‍ സൂപ്പായി കഴിയ്ക്കുന്നത് ഗുണം ചെയ്യും. അതുപോലെ ഓറഞ്ച് കോള്‍ഡുള്ളപ്പോള്‍ വളരെ നല്ലതാണ്. ഇതിലെ വൈറ്റമിന്‍ സി പ്രതിരോധശേഷി നല്‍കാന്‍ വളരെ നല്ലതാണ്.

ആവി പിടിക്കുന്നത് നല്ലൊരു വഴിയാണ്. തൊണ്ടവേദനയുണ്ടെങ്കില്‍ ഉപ്പുവെള്ളം കവിള്‍കൊള്ളുകയുമാകാം.

വിശ്രമം കോള്‍ഡുള്ളപ്പോള്‍ പറയുമെങ്കിലും നടക്കുക തുടങ്ങിയ വ്യയാമങ്ങള്‍ ചെയ്യുന്നതു കൊണ്ട് പ്രശ്‌നമില്ല.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.