മസില്‍ കരുത്തിന് പവര്‍ ഫുഡ്

പ്രഭാതഭക്ഷണം വളരെ പ്രധാനം. ദിവസം മുഴുവനുമുള്ള ഊര്‍ജം ശരീരത്തിന് ലഭിക്കുന്നത് ഇതില്‍ നിന്നാണ്. നാരുകളടങ്ങിയ ബ്രേക് ഫാസ്റ്റായിരിക്കും പുരുഷന് നല്ലത്. ധാന്യങ്ങള്‍, പയര്‍വര്‍ഗങ്ങള്‍ എന്നിവ കരുത്തു നല്‍കുന്ന ഭക്ഷണങ്ങളാണ്. ജിമ്മില്‍ പോയി വ്യായാമം ചെയ്യുന്നവരാണെങ്കില്‍ മുട്ടവെള്ളയും കൊഴുപ്പു കുറഞ്ഞ പാലും കഴിയ്ക്കാം.

ബ്രേക് ഫാസ്റ്റിനും ഉച്ചഭക്ഷണത്തിനു ഇടയിലുള്ള സമയത്ത് വേണമെന്നുള്ളവര്‍ക്ക് ഡ്രൈ ഫ്രൂട്‌സ്, നട്‌സ് എന്നിവ കഴിയ്ക്കാം. ശരീരഭാരം കൂടാതെ തന്നെ കരുത്തു വര്‍ദ്ധിപ്പിക്കാന്‍ സഹായിക്കുന്ന ഭക്ഷണങ്ങളാണിത്.

ഉച്ചഭക്ഷണത്തില്‍ കൊഴുപ്പു കുറഞ്ഞ ഇറച്ചിയും പച്ചക്കറി സാലഡും ഉള്‍പ്പെടുത്താം. ഇറച്ചി ഗ്രില്‍ ചെയ്തു കഴിയ്ക്കുന്നതായിരിക്കും നല്ലത്. ബേക്ക് ചെയ്തതോ ഗ്രില്‍ ചെയ്തതോ ആയ മത്സ്യവും നല്ലതാണ്.

കാപ്പി, ചായ എന്നിവയ്ക്ക് പകരം ജ്യൂസോ ഗ്രീന്‍ ടീയോ കുടിയ്ക്കാം. ഇത് ശരീരത്തിനും ആരോഗ്യത്തിനും നല്ലതാണ്.

രാത്രി ഭക്ഷണത്തില്‍ സൂപ്പ്, ചപ്പാത്തി, പച്ചക്കറി, പഴവര്‍ഗങ്ങള്‍ എന്നിവ ഉള്‍പ്പെടുത്താം. ഉറങ്ങുന്നതിന് ഒന്നുരണ്ടു മണിക്കൂര്‍ മുന്‍പെങ്കിലും ഭക്ഷണം കഴിയ്ക്കാന്‍ ശ്രദ്ധിക്കണം. ഇത് ദഹനത്തിനും ആരോഗ്യത്തിനും നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.