ആര്‍ത്തവസമയത്തെ സെക്‌സ്

ആര്‍ത്തവസമയത്തെ ലൈംഗികബന്ധം സ്ത്രീകള്‍ക്ക് വേദനയുണ്ടാക്കുന്നുവെന്ന് പൊതുവെ അഭിപ്രായമുണ്ട്. എന്നാല്‍ ഇതില്‍ വാസ്തവമില്ലെന്നാണ് പുതിയ പഠനങ്ങള്‍ കാണിക്കുന്നത്. സെക്‌സിന്റെ സമയത്ത് എന്‍ഡോര്‍ഫിന്‍ എന്ന ഹോര്‍മോണ്‍ ഉല്‍പാദിപ്പിക്കപ്പെടുന്നുണ്ട്. ഇത് വേദന കുറയ്ക്കാന്‍ സഹായിക്കുന്ന ഒരു ഹോര്‍മോണാണ്. മാത്രമല്ലാ, ഈ സമയത്ത് സ്ത്രീകളില്‍ ഡിപ്രഷന്‍, ദേഷ്യം, സങ്കടം തുടങ്ങിയ വൈകാരികക്ഷോഭങ്ങളും പതിവാണ്. ഇവ കുറയ്്ക്കാനും ഈ ഹോര്‍മോണ്‍ സഹായിക്കുന്നു.

ഈ സമയത്ത് ഗര്‍ഭധാരണത്തിനുള്ള സാധ്യത കുറവായതു കൊണ്ട് സുരക്ഷാമാര്‍ഗങ്ങളൊന്നും കൂടാതെ ബന്ധപ്പെടാനും സാധിക്കുമെന്നാണ് പഠനങ്ങള്‍ കാണിക്കുന്നത്. ഇത് പങ്കാളികള്‍ക്ക് കൂടുതല്‍ തൃപ്തി നല്‍കും. എന്നാല്‍ ഗര്‍ഭധാരണത്തിനുള്ള സാധ്യത ഈ സമയത്ത് നൂറുശതമാനം തള്ളിക്കളയാനുമാവില്ലെന്നും ഓര്‍ക്കണം.

പങ്കാളികളുടെ താല്‍പര്യമനുസരിച്ച് സെക്‌സ് ആവുകയോ ആകാതിരിക്കുകയോ ചെയ്യാം. ഇക്കാര്യത്തില്‍ വ്യക്തിതാല്‍പര്യം തന്നെയാണ് പ്രധാനം. ഇതിനൊപ്പം ശാരീരിക ശുചിത്വവും അത്യാവശ്യമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.