ഭക്ഷണം കഴിയ്ക്കുമ്പോള്‍ ഹൃദയത്തെ ഓര്‍മിക്കൂ

ഭക്ഷണത്തില്‍ വറുത്തതും പൊരിച്ചതുമെല്ലാം കഴിവതും ഒഴിവാക്കുക. പകരം ഹൃദയാരോഗ്യത്തിന് സഹായിക്കുന്ന ഫലവര്‍ഗങ്ങളും പച്ചക്കറി സാലഡുകളും ഉള്‍പ്പെടുത്തുക. ഹോട്ടിലിലായാലും വീട്ടിലായാലും.

ബദാം, കശുവണ്ടിപ്പരിപ്പ്, പിസ്ത, നിലക്കടല എന്നിവ കൊറിക്കാനെടുക്കുക. കൊറിക്കലും നടക്കും, ആരോഗ്യവും നന്നാവും.

സോയ അടങ്ങിയ ഏതു ഭക്ഷണവും കൊളസ്‌ട്രോള്‍ കുറയ്ക്കാന്‍ നല്ലതാണ്. അതുകൊണ്ടു തന്നെ ഇവ ഹാര്‍ട്ടിന് വളരെ നല്ലതുമാണ്.

ഇറച്ചി ഉപയോഗിക്കണമെങ്കില്‍ കൊഴുപ്പു കുറഞ്ഞവ ഉപയോഗിക്കുക. അതും കറി വച്ചോ, ഗ്രില്‍, ബേക്ക് ചെയ്‌തോ ഉപയോഗിക്കുന്നതാണ് നല്ലത്. ഇവ വറുത്ത് ഉപയോഗിക്കുന്നത് കൊഴുപ്പു കൂട്ടും, കൊളസ്‌ട്രോളിനും നല്ലതല്ല.

തവിടു കളയാത്ത ധാന്യങ്ങള്‍ ഹൃദയത്തിന് നല്ലതാണ്. തവിടു കളയാത്ത അരി, ഗോതമ്പ്, ഓട്‌സ് എന്നിവ ഉപയോഗിക്കുക.

അടുത്ത വാലന്റൈന്‍സ് ദിനത്തിനും ഹൃദയം ആരോഗ്യത്തോടെ മിടിക്കേണ്ടേ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.