ബിയറും വൈനും മൗത്ത് ക്യാന്‍സര്‍ വരുത്തും

Wellness

oi-Saritha

By Veena

Published: Monday, February 13, 2012, 9:54 [IST]

മദ്യമല്ലെന്നു പറഞ്ഞ് ബിയര്‍, വൈന്‍ അടിക്കുന്നവരുടെ ശ്രദ്ധയ്ക്ക്. സമാധാനിക്കാന്‍ വരട്ടെ, ഇവ വായിലെ ക്യാന്‍സറിനുള്ള സാധ്യത വര്‍ദ്ധിപ്പിക്കും. ദിവസവും ബിയറും വൈനും കുടിയ്ക്കുന്നവര്‍ക്ക് ഇത്തരം ക്യാന്‍സര്‍ വരാനുള്ള സാധ്യത മറ്റുള്ളവരേക്കാള്‍ മൂന്നിരട്ടിയാണ്. ഡെയ്‌ലി മിററാണ് ഇക്കാര്യം റിപ്പോര്‍ട്ട് ചെയ്തത്. ലണ്ടനിലെ നാഷനല്‍ ഹെല്‍ത്ത് സര്‍വീസിനെ ഉദ്ധരിച്ചാണ് ഈ റിപ്പോര്‍ട്ട് കൊടുത്തിരിക്കുന്നത്.

പുരുഷന്മാര്‍ ദിവസവും മൂന്നു നാലു യൂണിറ്റില്‍ കൂടുതലും സ്ത്രീകള്‍ രണ്ടു യൂണിറ്റിലും കൂടുതലും മദ്യം ഉപയോഗിക്കരുതെന്നാണ് മുന്നറിയിപ്പ്.

അനുവദനീയമായ അളവില്‍ കൂടുതല്‍ മദ്യം ഉപയോഗിക്കുന്നത് വയര്‍, ബ്രെസ്റ്റ് ക്യാന്‍സര്‍ വരുത്താന്‍ ഇടയാക്കും. ഇത് കൂടാതെ മദ്യത്തിന്റെ അമിതമായ ഉപയോഗം കഴുത്ത്, തൊണ്ട എന്നിവിടങ്ങളിലും ക്യാന്‍സര്‍ കാരണമാകും. പുരുഷന്മാരിലും സ്ത്രീകളിലും വന്ധ്യയ്ക്കു വരെ ഇത് കാരണമാകാം.

2000 ആളുകളില്‍ നടത്തിയ സര്‍വേയിലാണ് ഇക്കാര്യം തെളിഞ്ഞത്. ഇവരില്‍ 85 ശതമാനം പേര്‍ക്കും മദ്യം ക്യാന്‍സര്‍ സാധ്യത വരുത്തുമെന്ന് അറിയില്ലായിരുന്നെന്നും റിപ്പോര്‍ട്ടില്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.