വണ്ണം കുറയ്ക്കാം, വീട്ടിലിരുന്നു തന്നെ

Wellness

oi-Saritha

By Veena

Published: Wednesday, February 1, 2012, 16:02 [IST]

വണ്ണം കുറയ്ക്കണമെങ്കില്‍ ആദ്യപാഠം വീട്ടില്‍ നിന്നു തന്നെ തുടങ്ങുന്നതാണ് നല്ലത്. വീട്ടിലെ നിസാരമെന്നു കരുതുന്ന ചില കാര്യങ്ങള്‍ ശ്രദ്ധിച്ചാല്‍ വണ്ണം കുറയുന്നതിന്റെ ആദ്യപടി വിജയിച്ചുവെന്നു പറയാം.

ആദ്യം ചെയ്യേണ്ടത് റഫ്രിജറേറ്റര്‍ തുറന്നു നോക്കുകയാണ്. കാര്‍ബണേറ്റഡ് പാനീയങ്ങള്‍, ചോക്ലേറ്റ്, ഐസ്‌ക്രീം, ഫ്രോസന്‍ ഫ്രഞ്ച് ഫ്രൈ തുടങ്ങിയ സാധനങ്ങള്‍ കണ്ടെന്നു വന്നേക്കാം. ഇവ മാറ്റി പകരം പഴവര്‍ഗങ്ങളും പച്ചക്കറികളും നിറയ്ക്കുക. ഇവയാകട്ടെ ഇനി നിങ്ങളുടെ ഭക്ഷണം.

വ്യായാമം ചെയ്യാമെന്നു കരുതി അത് ഓരോ തവണത്തേക്കും മാറ്റി വയ്ക്കുന്നവരുണ്ട്. വ്യായാമത്തിനുള്ള ഉപകരണങ്ങളും യോഗമാറ്റും മറ്റും എപ്പോഴും കാണാവുന്നിടത്തു വയ്ക്കുക. ഇവ കണ്ടെങ്കിലും വ്യായാമം ചെയ്യാനുള്ള ഒരു പ്രവണതയുണ്ടാകട്ടെ. ഭക്ഷണത്തെ പോലെ വ്യായാമവും തടി കുറയ്ക്കാന്‍ പ്രധാനമാണെന്നറിയുക.

ടിവി എപ്പോഴും കാണുന്നതാണ് ഇപ്പോഴത്തെ കുട്ടികളില്‍ അമിതവണ്ണത്തിനുള്ള ഒരു കാരണമെന്ന് തെളിഞ്ഞിട്ടുണ്ട്. കിടക്കയില്‍ ചടഞ്ഞിരുന്ന് വല്ലതും കൊറിച്ച് ടിവി കാണുന്ന ശീലം ഉപേക്ഷിക്കുക. കിടപ്പുമുറിയില്‍ നിന്ന് ടിവിയെ പുറത്തേക്കു മാറ്റുന്നത് നല്ലൊരു വഴിയാണ്. ശരിയായ രീതിയില്‍ ഉറങ്ങണമെങ്കിലും ഇതാണ് നല്ല വഴി.

വീട്ടുജോലികള്‍ ചെയ്യുന്നത് നല്ലൊരു വ്യായാമമാണ്. നിലം തുടയ്ക്കുക, അടിച്ചു വാരുക തുടങ്ങിയവ ജിംനേഷ്യത്തില്‍ പോകുന്നതിന്റെ ഗുണം ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.