നല്ല ചര്‍മത്തിന് നല്ല ഭക്ഷണം

പ്രായവും ചര്‍മവും പരസ്പരപൂരിതമാണെന്നു പറയാം. അതുകൊണ്ട് നല്ല ചര്‍മത്തിനുള്ള ഭക്ഷണങ്ങള്‍ കഴിയ്‌ക്കേണ്ടത് അത്യാവശ്യമാണ്. ഇതിന് പറ്റിയ ഒന്നാണ് ചെറുനാരങ്ങ. നാരങ്ങയിലെ ആന്റിഓക്‌സൈഡുകളും വിറ്റാമിന്‍ സിയും ത്വക്കിന് ഏറെ നല്ലതാണ്. നാരങ്ങയുടെ ഗണത്തില്‍ പെടുന്ന ഓറഞ്ചും മുസമ്പിയുമെല്ലാം ചര്‍മത്തിന് നല്ലതാണ്.

കാരറ്റ്, വെള്ളരി തുടങ്ങിയവ ത്വക്കിന് തിളക്കം നല്‍കാന്‍ നല്ലതാണ്. പച്ചക്കറി സാലഡുകളും മുളപ്പിച്ച ധാന്യങ്ങളും ആരോഗ്യത്തിന് മാത്രമല്ലാ, ചര്‍മത്തിനും നല്ലതാണ്.കണ്ണുകള്‍ക്ക് ഏറെ നല്ലതാണ് കാരറ്റ്.

ആപ്പിള്‍, തണ്ണിമത്തന്‍ തുടങ്ങിയ എല്ലാ പഴവര്‍ഗങ്ങളും പ്രായക്കുറവു തോന്നിക്കുന്നതില്‍ മുഖ്യപങ്കു വഹിക്കുന്നു. ശരീരത്തിലെ വിഷാംശങ്ങള്‍ കളയാനും ശരീരത്തിലെ ജലാംശം നിലനിര്‍ത്താനും ആപ്പിള്‍ നല്ലതാണ്.

ഉണക്കമുന്തിരി, ബദാം, വാള്‍നട്ട് തുടങ്ങിയവ ശരീരത്തില്‍ ലൂബ്രിക്കേറ്ററുകളായി പ്രവര്‍ത്തിക്കുന്നു. ഇവയിലെ വൈറ്റമിന്‍ ഇ ത്വക്കിന് തിളക്കം നല്‍കുകയും ശരീരകോശങ്ങള്‍ക്ക് കൊഴുപ്പു നല്‍കുകയും നല്‍കുന്നു.

ഗ്രീന്‍ ടീ, വെള്ളം എന്നിവ ചര്‍മത്തിന് നല്ലതാണ്. ചര്‍മത്തിലെ ഈര്‍പ്പം നഷ്ടപ്പെടാതിരിക്കാനും അങ്ങനെ ചര്‍മം വരളുന്നത് തടയാനും ഇവ സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.