Union Budget 2025: 36 ജീവന്‍ രക്ഷാമരുന്നുകളുടെ കസ്റ്റംസ് തീരുവ പൂര്‍ണമായും ഒഴിവാക്കി

Union Budget 2025: 36 ജീവന്‍ രക്ഷാമരുന്നുകളെ പൂര്‍ണമായും കസ്റ്റംസ് തീരുവയില്‍ നിന്ന് ഒഴിവാക്കി ധനമന്ത്രി നിര്‍മ്മല സീതാരാമന്‍ കേന്ദ്രബജറ്റില്‍ പ്രഖ്യാപനം നടത്തി. രോഗികളുടെ സാമ്പത്തി ഭാരം ലഘൂകരിക്കുന്നതിന് വേണ്ടിയുള്ള ഒരു സുപ്രധാന തീരുമാനമാണ് ബജറ്റില്‍ മന്ത്രി നടത്തിയത്. ക്യാന്‍സര്‍ രോഗികള്‍ക്കും അപൂര്‍വ്വ രോഗങ്ങളാല്‍ ബുദ്ധിമുട്ടുന്നവര്‍ക്കും ആശ്വാസം പകരുന്നതാണ് പുതിയതീരുമാനം. ആറ് മരുന്നുകളുടെ കസംറ്റ്‌സ് തീരുവയില്‍ 5% ഇളവ് വരുത്തിയിട്ടുണ്ട്.

ഇന്ത്യയിലുടനീളമുള്ള രോഗികള്‍ക്ക് മരുന്നുകള്‍ ലഭ്യമാക്കുന്നതിന് ഈ പ്രഖ്യാപനം സഹായിക്കുമെന്നാണ് കരുതുന്നത്. സാധാരണക്കാരുടെ മനസ്സറിഞ്ഞ് കൊണ്ടുള്ള പ്രഖ്യാപനമാണ് ഇത്തവണ ആരോഗ്യരംഗത്ത് ഉണ്ടായിരിക്കുന്നത്. നിലവില്‍ നൂതന ക്യാന്‍സര്‍ ചികിത്സാ ഉപകരണങ്ങളും ഈ മാറ്റത്തിന് കീഴില്‍ കൊണ്ട് വരണം എന്നാണ് ആരോഗ്യരംഗത്തെ വിദഗ്ധര്‍ പറയുന്നത്. ക്യാന്‍സര്‍ മറ്റ് ഗുരുതര രോഗാവസ്ഥകള്‍ എന്നിവ നേരിടുന്നവര്‍ക്കും കുടുംബത്തിനും ധനമന്ത്രിയുടെ പ്രഖ്യാപനം ആശ്വാസം പകരുന്നതാണ്.

Photo Credit: PTI Images

ഈ വര്‍ഷത്തെ ബജറ്റ് പ്രഖ്യാപനത്തിന്റെ ഏറ്റവും മികച്ച കാര്യം എന്നത് എല്ലാ ജില്ലകളിലും ക്യാന്‍സര്‍ പരിചരണ കേന്ദ്രങ്ങള്‍ സ്ഥാപിക്കുമെന്നും ധനമന്ത്രി നിര്‍മ്മല സീതാരാമന്‍ ബജറ്റ് അവതരണ വേളയില്‍ വ്യക്തമാക്കി. അടുത്ത മൂന്ന വര്‍ഷത്തിനുള്ളില്‍ ക്യാന്‍സര്‍ പരിചരണ കേന്ദ്രം സ്ഥാപിക്കുമെന്നാണ് ധനമന്ത്രിയുടെ പ്രഖ്യാപനം. ആരോഗ്യരംഗത്തെ സൗകര്യങ്ങള്‍ മെച്ചപ്പെടുത്തുന്നതിന് വേണ്ടി കേന്ദ്രസര്‍ക്കാര്‍ പ്രതിഞ്ജാബന്ധമാണെന്നും ബജറ്റ് അവതരണത്തിനിടെ നിര്‍മ്മല സീതാരാമന്‍ വ്യക്തമാക്കി. രോഗം നേരത്തെ കണ്ടെത്തുന്നത് വളരെയധികം നിര്‍ണായകമാണെന്നും അതിനായാണ് പരിചരണ കേന്ദ്രങ്ങള്‍ ഉള്‍പ്പടെയുള്ളവ ആരംഭിക്കുന്നത് എന്നും ധനമന്ത്രി പറഞ്ഞു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.