ഇടയ്ക്കിടെ കഫ് സിറപ്പ് കഴിക്കുന്നവരാണോ നിങ്ങള്‍? അറിയാതെ പോകല്ലേ ഈ അപകടം

ചുമയും കഫക്കെട്ടും ഒരു സാധാരണ അവസ്ഥയാണ്. കാലാവസ്ഥ മാറ്റം മുതല്‍ പല കാര്യങ്ങളും ഇവയ്ക്ക് കാരണമായേക്കാം. രണ്ടോ മൂന്നോ ദിവസം നീണ്ടു നില്‍ക്കുന്ന ഈ പ്രശ്നങ്ങള്‍ ഒരുപക്ഷെ പ്രത്യേകിച്ച് ഒരു മരുന്നും ആവശ്യമില്ലാതെ തന്നെ മാറുന്നവയായിരിക്കും. എന്നാല്‍ ചിലപ്പോള്‍ കൂടുതല്‍ സമയം നീണ്ടുനില്‍ക്കുകയോ, നമുക്ക് ആലോസിരമുണ്ടാക്കുകയോ ചെയ്യുമ്പോള്‍ നാം മരുന്നുകളെ ആശ്രയിക്കാറുണ്ട്.

ചുമ ഉള്‍പ്പടെയുള്ള പ്രശ്നങ്ങളെ ലഘൂകരിക്കാൻ സഹായിക്കുന്ന ഏറ്റവും എളുപ്പത്തിൽ ലഭ്യമായ ഓവർ-ദി-കൌണ്ടർ മരുന്നുകളിൽ ഒന്നാണ് കഫ് സിറപ്പുകൾ. കഫ്സിറപ്പുകള്‍ പേശികളെ ശമിപ്പിക്കുകയും ശ്വാസനാളത്തിലെ മ്യൂക്കസ് അയവുള്ളതാക്കുകായും ചെയ്യുന്നതിനാല്‍ ശ്വസനത്തെ എളുപ്പമുള്ളതാക്കുന്നു.

കഫ് സിറപ്പുകൾ ആവശ്യമായി വരുന്നത് എന്തുകൊണ്ട്?

കഫം ചുമക്കുമ്പോൾ നിങ്ങളുടെ ശ്വാസകോശങ്ങളും ശ്വാസനാളങ്ങളും ശുദ്ധമാകും. ശ്വാസകോശത്തിൽ കഫം അടിഞ്ഞുകൂടുന്നതോടെ, ശ്വാസതടസ്സം മാത്രമല്ല ശ്വാസകോശ സംബന്ധമായ പ്രശ്‌നങ്ങളിലേക്ക് മാറുവാനും സാധ്യതയുണ്ട്. തുടർച്ചയായി ചുമക്കുന്നത് നമ്മെ ക്ഷീണിതരാക്കും, ഇടയ്ക്കിടെയുള്ള ചുമ കാരണം തൊണ്ടവേദന ഉണ്ടാകാം. നീണ്ടുനിൽക്കുന്ന ചുമ പലപ്പോഴും ശ്വാസകോശത്തിന്റെയും നെഞ്ചിന്റെയും പേശികളിൽ ആയാസമുണ്ടാക്കുന്നു. അതിനാൽ, ചുമ സിറപ്പുകൾ നിങ്ങളുടെ തൊണ്ടയിലെ പ്രശ്നങ്ങള്‍ക്ക് ശമനമുണ്ടാക്കുകയും ആശ്വാസം നല്‍കുകയും ചെയ്യുന്നു.

ഈ സിറപ്പുകളിൽ ഭൂരിഭാഗവും ഡെക്‌ട്രോമെത്തോർഫാൻ അല്ലെങ്കിൽ ഡിഎക്‌സ്‌എം (DXM) അടങ്ങിയിട്ടുണ്ട് - ഇത് നിങ്ങളുടെ തലച്ചോറിന്റെ മധ്യഭാഗത്ത് പ്രവര്‍ത്തിച്ച് ചുമയ്ക്കുവനുള്ള ആഗ്രഹത്തെ അടിച്ചമർത്തുന്നു. അലർജിയുടെ ലക്ഷണങ്ങൾക്ക് കാരണമാകുന്ന ഹിസ്റ്റാമൈനുകളുടെ ഫലങ്ങൾ തടയാനും ഇത് സഹായിക്കുന്നു. CDC അനുസരിച്ച്, ഒരു വ്യക്തിക്ക് ആവശ്യമായ DXM അളവ് അവരുടെ ശരീരഭാരത്തെ ആശ്രയിച്ചിരിക്കുന്നു. പ്രായപൂർത്തിയായ ഒരാൾക്ക് DXM ന്റെ ഡോസ് 15-20 മില്ലിഗ്രാം ദിവസത്തിൽ രണ്ടുതവണയാണ്.

ഭയാനകമായ പാർശ്വഫലങ്ങൾ

ഉയർന്ന അളവിൽ ഡിഎക്സ്എം കഴിക്കുമ്പോൾ, ഭ്രമാത്മകതയ്ക്കും ഉല്ലാസത്തിനും കാരണമാകുമെന്നും, അതിനാല്‍ ഇവ അമിതമായി കഴിക്കുന്നത് മാരകമായേക്കാമെന്നും ഡോക്ടർമാർ പറയുന്നു.

അമിതമായി കഴിക്കുന്നത് പ്രവചനാതീതവും അപകടകരവുമായ പെരുമാറ്റത്തിലേക്ക് നയിക്കുന്ന മാനസികാവസ്ഥയിൽ ആഴത്തിലുള്ള മാറ്റം വരുത്തിയേക്കാം. കഫ്സിറപ്പിന്റെ ദീർഘകാല ദുരുപയോഗം ലഹരിവസ്തുക്കളുടെ ആശ്രിതത്വത്തിനും ആസക്തിക്കും കാരണമാകും, ഇത് ഒരാളുടെ മൊത്തത്തിലുള്ള ക്ഷേമത്തെ പ്രതികൂലമായി ബാധിക്കുന്നു. അപൂർവ്വം സന്ദർഭങ്ങളിൽ, അമിതമായി കഴിക്കുന്നത് മറ്റേതെങ്കിലും രോഗങ്ങളെ ഉള്‍പ്പടെ ട്രിഗ്ഗര്‍ ചെയ്യുവാനുള്ള സാധ്യത ഉള്ളതിനാല്‍ ഇത് വലിയ ആരോഗ് പ്രശ്നങ്ങള്‍ക്ക് കാരണമാകുന്നു.

കഫ് സിറപ്പുകള്‍ അമിതമായി കഴിക്കുന്നതിന്‍റെ പാര്‍ശ്വഫലങ്ങള്‍ ഇവയാണ് :

മിനിറ്റിൽ 100 -ല്‍ കൂടുതൽ ഹൃദയമിടിപ്പ് വർദ്ധിച്ചേക്കാം
സൈക്കോസിസ്
കൃഷ്ണമണി വികസിക്കുക
ശ്വാസതടസ്സം
റാബ്ഡോമിയോലിസിസ് അല്ലെങ്കിൽ പേശി ടിഷ്യുവിന്റെ തകർച്ച, ഇത് പിന്നീട് വൃക്കകളുടെ തകരാറിലേക്ക് നയിച്ചേക്കാം

കൃത്യമായ അളവില്‍ അല്ലാതെ ദീര്‍ഘകാലം കഫ്സിറപ്പ് ഉപയോഗിക്കുകയാണെങ്കില്‍ ഹൃദയമിടിപ്പ് വർദ്ധിപ്പിക്കുക, ക്രമരഹിതമായ ഹൃദയമിടിപ്പ്, അമിതമായ ഹൃദയമിടിപ്പ്, അസ്വസ്ഥത, ഉയർന്ന രക്തസമ്മർദ്ദം എന്നിവയ്ക്ക് കാരണമായേക്കാം. വയറുവേദന, വയറില്‍ അസ്വസ്ഥത അനുഭവപ്പെടുക, ചർമ്മത്തിലെ ചുവപ്പ് എന്നീ പ്രശ്നങ്ങള്‍ ഉണ്ടായേക്കാം. വിദഗ്ദ്ധരുടെ അഭിപ്രായത്തില്‍ DXM 600 മില്ലിഗ്രാമോ അതിൽ കൂടുതലോ കഴിക്കുകയാണെങ്കില്‍ കോമയ്ക്കും ചില സന്ദർഭങ്ങളിൽ, മരണം പോലും സംഭവിച്ചേക്കാം എന്നാണ്.

DXM-ൽ അമിതമായി കഴിക്കുന്നത് തടയാനുള്ള വഴികൾ :

ധാരാളം ആളുകൾ, പ്രത്യേകിച്ച് യുവാക്കൾ മനഃപൂർവ്വം DXM-ൽ അമിതമായി കഴിക്കുന്നതായി പഠനങ്ങള്‍ പറയുന്നു. കഫ്സിറപ്പ് മറ്റ് വസ്തുക്കളുമായി സംയോജിപ്പിക്കുന്നത്, പ്രത്യേകിച്ച് ആൽക്കഹോൾ അല്ലെങ്കിൽ സെഡേറ്റീവ്സ്, പാർശ്വഫലങ്ങൾ തീവ്രമാക്കുകയും അമിതമായി കഴിക്കാനുള്ള സാധ്യത വർദ്ധിപ്പിക്കുകയും ചെയ്യും. കഫ്സിറപ്പ് അമിതമായി കഴിക്കുന്നതിന്റെ ലക്ഷണങ്ങൾ തിരിച്ചറിയുന്നത് നിർണായകമാണ്, ശരിയായ ഇടപെടലിനും ചികിത്സയ്ക്കും അടിയന്തിര വൈദ്യസഹായം തേടേണ്ടത് അത്യാവശ്യമാണ്.

* കഫ് സിറപ്പ് ഉപയോഗിച്ച് തുടങ്ങുകയും ഭാവിയില്‍ ലഹരിക്ക്‌ അടിമപ്പെടുകയും ചെയ്യാതിരിക്കാന്‍ കുട്ടികളെ ബോധാവാന്മാരാക്കെണ്ടത് അത്യാവശ്യമാണ്.
* മയക്കുമരുന്ന് ദുരുപയോഗം എന്നത് സമൂഹം അംഗീകരിക്കാത്ത കാര്യമാണെന്ന് അവരെ അറിയിക്കുക.
* അനുകമ്പയുള്ളവരായിരിക്കുക, ആരോഗ്യവും സുരക്ഷയും പ്രധാനമായിരിക്കുന്നത് എന്തുകൊണ്ടാണെന്നതിനെക്കുറിച്ചുള്ള വിവരങ്ങൾ നൽകുക.
* മയക്കുമരുന്ന് ദുരുപയോഗം സംബന്ധിച്ച ആശങ്കകളെക്കുറിച്ച് സംസാരിക്കാൻ സുരക്ഷിതമായ ഇടം നൽകുക.
* മയക്കുമരുന്ന് ദുരുപയോഗത്തെയും അതിന്റെ ഫലങ്ങളെയും കുറിച്ചുള്ള വിവരങ്ങൾ അവർക്ക് നൽകുക.
* സമപ്രായക്കാരുടെ സമ്മർദ്ദത്തിന്റെ പ്രശ്നം പരിഹരിക്കുക.
* ഇല്ല എന്ന് പറയാൻ അവരെ പഠിപ്പിക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.