സ്തനവേദനയ്ക്കു കാരണം ബ്രാ

Studies

oi-Saritha

By Veena

Updated: Wednesday, September 19, 2012, 17:34 [IST]

പല സ്ത്രീകളും വ്യായാമം ചെയ്യുന്ന സമയത്ത് സ്തനവേദനയെക്കുറിച്ച് പരാതിപ്പെടാറുണ്ട്. പ്രത്യേകിച്ച സ്‌പോട്‌സില്‍ പങ്കെടുക്കുന്നവര്‍.ഇതിന്റെ കാരണം മാറിടത്തിന് താങ്ങു നല്‍കുന്ന കൃത്യമായ അളവിലുള്ള ബ്രാ ധരിക്കാത്തതാണെന്ന് പഠനറിപ്പോര്‍ട്ടുകള്‍. ബ്രെസ്റ്റ് ബയോമെക്കാനിക്‌സിനെക്കുറിച്ച് പഠനം നടത്തിയ പ്രൊഫസര്‍ ജൂലി സ്റ്റിലെ തന്റെ പഠനക്കുറിപ്പിലാണ് ഇക്കാര്യം പറയുന്നത്.

മാറിടത്തിന് കൃത്യമായി താങ്ങു നല്‍കാത്ത ബ്രാ ധരിച്ച് വ്യായാമം ചെയ്യുമ്പോള്‍ സ്തനങ്ങള്‍ മുകളിലേക്കും താഴേക്കും വശങ്ങളിലേക്കും നീങ്ങാന്‍ ഇട വരും. ഇതാണ് മാറിടത്തിന് വേദന നല്‍കുന്നത്. പ്രത്യേകിച്ച് ചാടുന്നതു പോലുള്ള വ്യായാമങ്ങള്‍ ചെയ്യുമ്പോള്‍. 1. 2 ലിറ്റര്‍ പാലിന് സമാനമായ ഭാരം സ്തനങ്ങള്‍ക്ക് ഏകദേശം വരുമെന്നാണ് കണക്ക്. ചര്‍മം, കൂപേഴ്‌സ് ലിഗ്മെന്റ് എന്നിവയുടെ സഹായത്തോടെയാണ് സ്തനങ്ങള്‍ ഇവിടെത്തന്നെ ഉറച്ചു നില്‍ക്കുന്നത്. ഇത് എളുപ്പം ഇളകാനുള്ള സാധ്യതയുമുണ്ട്.

സ്‌പോട്‌സ് ബ്രാ ധരിക്കുന്നതാണ് ഇത്തരം പ്രശ്‌നങ്ങള്‍ക്കുള്ള പരിഹാരം. എന്നാല്‍ പല സ്ത്രീകളും ഇത് അസ്വസ്ഥതയുണ്ടാക്കുന്നുവെന്നു പറഞ്ഞ് ഉപേക്ഷിക്കുകയാണ് പതിവ്.

കൃത്യമായ അളവില്‍ ബ്രാ സ്ട്രാപ്പുകള്‍ ക്രമീകരിക്കാത്തത് തലവേദന, നടുവേദന തുടങ്ങിയ പ്രശ്‌നങ്ങളുണ്ടാക്കുമെന്നും പഠനറിപ്പോര്‍ട്ടില്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.