തടി കൂടിയാല്‍ കണക്കില്‍ മോശം!

Studies

oi-Saritha

By Veena

Updated: Tuesday, July 10, 2012, 5:08 [IST]

അമിതവണ്ണമുള്ള കുട്ടികള്‍ പൊതുവെ കണക്കില്‍ മോശമായിരിക്കുമെന്ന് പഠന റിപ്പോര്‍ട്ട്. മിസോറി യൂണിവേഴ്‌സിറ്റിയിലെ സാറ ഗേബിള്‍ എന്ന പ്രൊഫസര്‍ നടത്തിയ പഠനത്തിലാണ് ഇക്കാര്യം തെളിഞ്ഞത്.

6250 കുട്ടികളെ കെജി മുതല്‍ അഞ്ചാം സ്റ്റാന്‍ഡേര്‍ഡ് വരെ നിരീക്ഷീച്ചു തയ്യാറാക്കിയ റിപ്പോര്‍ട്ടാണിത്. മാതാപിതാക്കളും അധ്യാപകരും ഈ പഠനത്തില്‍ പങ്കാളികളായിരുന്നു. മാതാപിതാക്കള്‍ കുടുംബപരമായ വിവരങ്ങളും അധ്യാപകര്‍ പഠന, പഠനേതര മികവുകളും വൈകാരിക പ്രശ്‌നങ്ങളും ഈ റിസര്‍ച്ചിന് വേണ്ടി നല്‍കി.

ഇത്തരം വിവരങ്ങളുടെ അടിസ്ഥാനത്തില്‍ വണ്ണം കുറഞ്ഞ കുട്ടികളെ അപേക്ഷിച്ച് അമിതവണ്ണമുള്ള കുട്ടികളുടെ കണക്കിലെ പ്രകടനം മോശമാണെന്നു തെളിഞ്ഞു. അമിത വണ്ണമുള്ള പെണ്‍കുട്ടികളാകട്ടെ, കണക്കില്‍ മാത്രമല്ലാ, സാമൂഹിക ജീവിതത്തിലും പിന്നോക്കമാണ്.

അമിത വണ്ണമുള്ള കുട്ടികളില്‍ കൂടുതല്‍ മനപ്രയാസവും ആകുലതകളും ഒറ്റപ്പെട്ടു ജീവിക്കാനുള്ള പ്രവണതയും കൂടുതലാണെന്നും പഠനത്തില്‍ തെളിഞ്ഞു. ഇത് കൂടാതെ ധാരാളം ആരോഗ്യ പ്രശ്‌നങ്ങളും കുട്ടികളിലെ അമിത വണ്ണം വരുത്തി വയ്ക്കുന്നുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.