മെനോപോസിന് ശേഷം ഹാര്‍ട്ട് അറ്റാക്ക് സാധ്യത കൂടുതല്

Studies

oi-Saritha

By Veena

Published: Wednesday, June 13, 2012, 17:16 [IST]

സ്ത്രീകളില്‍ പുരുഷന്മാരെ അപേക്ഷിച്ച് ഹൃദയാഘാത സാധ്യത കുറവാണെന്നു പറയും. എന്നാല്‍ ഇൗ അവസ്ഥ മെനോപോസിന് ശേഷം മാറുമെന്ന് പഠനറിപ്പോര്‍ട്ട്. മെനോപോസ് സ്ത്രീകളില്‍ ഹൃദയാഘാത സാധ്യത കൂട്ടുമെന്നാണ് പാരീസ് ആസ്ഥാനമായി പ്രവര്‍ത്തിക്കുന്ന നാഷണല്‍ ഇന്‍സ്റ്റിറ്റിയൂട്ട് ഓഫ് ഹെല്‍ത്ത് ആന്റ് മെഡിക്കല്‍ റിസര്‍ച്ച് നടത്തിയ പഠനത്തില്‍ തെളിഞ്ഞത്.

65നു മേല്‍ പ്രായമുള്ള 6000 സ്ത്രീകളില്‍ നടത്തിയ പഠനഫലമായാണ് ഈ കണ്ടത്തല്‍. സ്ത്രീകളില്‍ മെനോപോസിന് മുന്‍പ് ഹാര്‍ട്ട് അറ്റാക്ക് വരാനുള്ള സാധ്യത കുറയ്ക്കുന്നത് ഈസ്ട്രജന്‍ എന്ന ഹോര്‍മോണാണ്. ആര്‍ത്തവവിരാമത്തോടെ ഈ ഹോര്‍മോണിന്റെ അളവു കുറയുന്നതാണ് ഹൃദയാഘാത സാധ്യത കൂട്ടുന്നതിനുള്ള കാരണം.

ഈസ്ട്രജന്‍ രക്തപ്രവാഹത്തിന് കാര്യമായി സഹായിക്കുന്നുണ്ട്. എന്നാല്‍ മെനോപോസിന് ശേഷം രക്തപ്രവാഹത്തില്‍ വരുന്ന പ്രശ്‌നങ്ങള്‍ ഹൃദയത്തിനും പ്രശ്‌നങ്ങളുണ്ടാക്കുകയാണ് ചെയ്യുന്നത്.

മെനോപോസിന് ശേഷം സ്ത്രീകള്‍ വ്യായാമം ചെയ്യേണ്ടതിന്റെ ആവശ്യകതയും പഠനറിപ്പോര്‍ട്ടില്‍ സൂചിപ്പിക്കുന്നു. ഇത് ഒരു പരിധി വരെ ഹൃദയാഘാത സാധ്യത കുറയ്ക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.