ഗര്‍ഭനിരോധനത്തിന് ഐയുഡി കൂടുതല്‍ ഫലപ്രദം

Studies

oi-Saritha

By Veena

Published: Friday, May 25, 2012, 10:49 [IST]

ഗര്‍ഭനിരോധനത്തിന് ഗുളികകളേക്കാളും ഹോര്‍മോണുകളേക്കാളും ഫലപ്രദം കോപ്പര്‍ ടി പോലുള്ള ഐയുഡി (ഇന്‍ട്രാ യൂട്രൈന്‍ ഡിവൈസസ്) കളാണെന്ന് പഠനറിപ്പോര്‍ട്ട്. ഇവ മറ്റുള്ളവയേക്കാള്‍ 20 ശതമാനം കൂടുതല്‍ പ്രയോജനം നല്‍കും.

വാഷിംഗ്ടണ്‍ യൂണിവേഴ്‌സിറ്റി ഓഫ് മെഡിസിന്‍ നടത്തിയ പഠനത്തിലാണ് ഇക്കാര്യം തെളിഞ്ഞത്. ഐയുഡികളെപ്പോലെ തന്നെയാണ് പ്രൊജസ്റ്റിന്‍ ഇംപ്ലാന്റുകളും. ഐയുഡികള്‍ ഗര്‍ഭപാത്രത്തിനുള്ളിലും പ്രൊജസ്റ്റിന്‍ ഇംപ്ലാന്റുകള്‍ തോളിന് താഴെയായി കൈമുട്ടിന് മുകളിലുമായാണ് കടത്തി വയ്ക്കുയെന്ന വ്യത്യാസം മാത്രം. ഇവ ഒരു തവണ ധരിച്ചാല്‍ 10 വര്‍ഷത്തോളം ഫലപ്രദമായി ഗര്‍ഭധാരണം തടയും.

എന്നാല്‍ ഇത്തരം മാര്‍ഗങ്ങളേക്കാള്‍ യുഎസില്‍ സ്ത്രീകള്‍ കൂടുതലായി ഉപയോഗിക്കുന്നത് ഗര്‍ഭനിരോധന ഗുളികകളാണ്. ഇവയ്ക്ക് 10 മുതല്‍ 20 ഡോളര്‍ വരെയാണ് വില. ഐയുഡികള്‍ക്കാണെങ്കില്‍ 700ളം ഡോളര്‍ മുടക്കണമെന്നതു തന്നെ കാരണം. മാത്രമല്ലാ, ഗര്‍ഭനിരോധന ഗുളികകള്‍ മെഡിക്കല്‍ ഇന്‍ഷുറന്‍സില്‍ ഉള്‍പ്പെടുത്താം. എന്നാല്‍ ഐയുഡികള്‍ക്ക് യുഎസില്‍ ഈ ആനുകൂല്യം ലഭിക്കില്ല.

ഐയുഡി പോലുള്ളവ ഉപയോഗിച്ചാല്‍ അത് വന്ധ്യതയുണ്ടാക്കുമെന്നും ഒരു വിഭാഗം സ്ത്രീകള്‍ ഭയക്കുന്നതായി പഠനത്തില്‍ തെളിഞ്ഞിട്ടുണ്ട്. ഇതും ഇവയുടെ ഉപയോഗം ഒരു പരിധി വരെ കുറയ്ക്കുന്നതിന് കാരണമാകുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.