വയാഗ്ര വേണ്ട, പകരം പോംഗ്രനേറ്റ് ജ്യൂസ്

Studies

oi-Saritha

By Veena

Published: Monday, May 7, 2012, 11:12 [IST]

ഒരു ഗ്ലാസ് പോംഗ്രനേററ് ജ്യൂസ് വയാഗ്രയുടെ ശക്തിക്ക് തുല്യമാണെന്ന് പഠനറിപ്പോര്‍ട്ട്. എഡിന്‍ബര്‍ഗ് ക്യൂന്‍സ് മാര്‍ഗരറ്റ് സര്‍വകലാശാലയിലെ ശാസ്ത്രജ്ഞരാണ് ഇത് സംബന്ധിച്ച പഠനം നടത്തിയത്. 21നും 64നും ഇടയില്‍ പ്രായമുള്ള 58 പേരിലാണ് പഠനം നടത്തിയത്.

പോംഗ്രനൈറ്റ് ലൈംഗികതയുമായി ബന്ധപ്പെട്ട ടെസ്റ്റോസ്റ്റിറോണ്‍ എന്ന ഹോര്‍മോണ്‍ കൂടുതല്‍ ഉല്‍പാദിപ്പിക്കുന്നു. ഇത് പുരുഷന്മാരിലും സ്ത്രീകളിലും സെക്‌സ് താല്‍പര്യങ്ങളും ലൈംഗിക ആരോഗ്യവും വര്‍ദ്ധിപ്പിക്കും.

ടെസ്റ്റോസ്റ്റിറോണ്‍ പുരുഷന്മാരില്‍ മുഖരോമങ്ങള്‍ കൂടുതല്‍ വളരുന്നതിനും ഗാംഭീര്യമുള്ള ശബ്ദം ലഭിക്കുന്നതിനും ഇടയാക്കുന്നുണ്ട്. ലൈംഗിക താല്‍പര്യം കൂട്ടുകയും ചെയ്യും. സ്ത്രീകളിലെ അഡ്രിനെല്‍ ഗ്ലാന്റുകളിലും ഓവറിയിലും ഉല്‍പാദിപ്പിക്കപ്പെടുന്ന ഹോര്‍മോണ്‍ സെക്‌സ് താല്‍പര്യം വര്‍ദ്ധിപ്പിക്കുകയും മസിലുകളും എല്ലുകളും ശക്തിപ്പെടുത്തുകയും ചെയ്യും.

നല്ല മൂഡിനും ഓര്‍മശക്തി വര്‍ദ്ധിപ്പിക്കുന്നതിനും ടെസ്റ്റോസ്റ്റിറോണ്‍ കാരണമാകുന്നുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.