പഴം കഴിയ്ക്കൂ, സ്‌ട്രോക്ക് തടയൂ

Studies

oi-Saritha

By Veena

Published: Sunday, April 29, 2012, 13:05 [IST]

ദിവസവും മൂന്നു പഴം കഴിച്ചാല്‍ സ്‌ട്രോക്ക് വരാനുള്ള സാധ്യത കുറയുമെന്ന് പഠനറിപ്പോര്‍ട്ട്. ബ്രിട്ടീഷ്, ഇറ്റാലിയന്‍ ശാസ്ത്രജ്ഞര്‍ നടത്തിയ പഠനത്തില്‍ ഇക്കാര്യം തെളിഞ്ഞതായി ഡെയ്‌ലി മിറര്‍ റിപ്പോര്‍ട്ട് ചെയ്യുന്നു.

ദിവസവും രാവിലെ, ഉച്ചക്ക്, വൈകീട്ട് എന്ന ക്രമത്തില്‍ പഴം കഴിയ്ക്കുമ്പോള്‍ പൊട്ടാസ്യം തോത് ഉയരും. ഇത് തലച്ചോറില്‍ രക്തം കട്ടി പിടിക്കുന്നതു തടയുകയും അങ്ങനെ സ്‌ട്രോക്ക് വരാനുള്ള സാധ്യത കുറയ്ക്കുകയും ചെയ്യും. ശരീരത്തിലെ ദ്രാവകനില കൃത്യമായ തോതില്‍ നില നിര്‍ത്തുന്നതിനും പൊട്ടാസ്യത്തിന് കാര്യമായ പങ്കുണ്ട്.

രക്തസമ്മര്‍ദം കുറയ്ക്കുന്നതിലും പൊട്ടാസ്യത്തിന് കാര്യമായ പങ്കുണ്ട്. ഇതും സ്‌ട്രോക്ക് വരുന്നത് തടയും. ഒരു പഴത്തില്‍ ഏകദേശം 500 മില്ലിഗ്രാം പൊട്ടാസ്യം അടങ്ങിയിട്ടുണ്ട്. ഒരാളില്‍ 1600 മില്ലിഗ്രാം പൊട്ടാസ്യമെങ്കിലുമുണ്ടെങ്കില്‍ ഇത് സ്‌ട്രോക്ക് തടയാന്‍ സഹായിക്കും.

പൊട്ടാസ്യത്തിന്റെ അളവ് കുറയുന്നത് ഹൃദയമിടിപ്പിന്റെ താളം തെറ്റിക്കാനും ഛര്‍ദി, വയറിളക്കം തുടങ്ങിയ രോഗങ്ങള്‍ക്കും വഴിയൊരുക്കും.

പഴത്തിന് പുറമെ ചീര, നട്‌സ്, പാല്‍, മത്സ്യം, പയര്‍ വര്‍ഗങ്ങള്‍ എന്നിവയിലും ധാരാളം പൊട്ടാസ്യം അടങ്ങിയിട്ടുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.