നഗരവാസികള്‍ മടിയന്മാര്‍

Published: Wednesday, April 25, 2012, 11:12 [IST]

നഗരത്തില്‍ താമസിക്കുന്ന 81 ശതമാനം ഇന്ത്യാക്കാരും മടിയന്മാരെന്ന് പഠനഫലം. ഇതുകൊണ്ടു തന്നെ ഇവരില്‍ ഹൃദയസംബന്ധമായ പ്രശ്‌നങ്ങളും വര്‍ദ്ധിച്ചു വരികയാണെന്ന പഠനം വെളിപ്പെടുത്തുന്നു. ഇന്ത്യന്‍ ഹാര്‍ട്ട് വാച്ച് നടത്തിയ പഠനത്തിലാണ് ഇക്കാര്യം തെളിഞ്ഞത്.

യൂറോപ്പ്, യുഎസ് തുടങ്ങിയ സ്ഥലങ്ങളിലെ ആളുകളേക്കാള്‍ ഹൃദയപ്രശ്‌നങ്ങള്‍ കണ്ടുവരുന്നതും ഇന്ത്യക്കാരിലാണ്. വ്യായാമം കുറയുന്നതാണ് ഇതിന് കാരണമാകുന്നത്. നഗരങ്ങളിലാണ് ഈ പ്രശ്‌നം കൂടുതല്‍ കണ്ടുവരുന്നതും.

പഠനം നടത്തിയ 79 ശതമാനം പുരുഷന്മാരും 83 ശതമാനം സ്ത്രീകളും ശാരീരിക അധ്വാനം ചെയ്യാത്തവരാണ്. ഇവരില്‍ 51 ശതമാനം പുരുഷന്മാരും 48 ശതമാനം സ്ത്രീകളും കൂടുതല്‍ കൊഴുപ്പടങ്ങിയ ഭക്ഷണം കഴിയ്ക്കുന്നവരുമാണ്. 60 ശതമാനം പുരുഷന്മാരും 57 ശതമാനം സ്ത്രീകളും പഴവര്‍ഗങ്ങള്‍ കഴിയ്ക്കാത്തവരും. ബിപി, കൊളസ്‌ട്രോള്‍, പ്രമേഹം തുടങ്ങിയവ ഇത്തരം ആളുകളില്‍ കണ്ടുവരുന്നുമുണ്ട്.

ഹൃദ്രോഗികളും പ്രമേഹമുള്ളവരും മറ്റേതു രാജ്യങ്ങളിലേക്കാളും ഇന്ത്യയില്‍ വര്‍ദ്ധിച്ചു വരികയാണെന്നും പഠനഫലം വെളിപ്പെടുത്തുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.