മദ്യം സ്ത്രീകളിള്‍ ഹൃദയാഘാത സാധ്യത കുറയ്ക്കും

Studies

oi-Saritha

By Veena

Published: Wednesday, March 14, 2012, 10:34 [IST]

മദ്യപിക്കുന്നത് സ്ത്രീകളില്‍ ഹൃദയാഘാത സാധ്യത കുറയ്ക്കുമെന്ന് പഠനറിപ്പോര്‍ട്ട്. യുഎസിലെ ബ്രിഗാമിലെ ഒരു വിമന്‍സ് ഹോസ്പിറ്റല്‍ നടത്തി പഠനത്തിലാണ് ഇക്കാര്യം വ്യക്തമായത്.

83,578 സ്ത്രീകളില്‍ നടത്തിയ പരീക്ഷണാടിസ്ഥാനത്തിലാണ് പഠനറിപ്പോര്‍ട്ട് പ്രസിദ്ധീകരിച്ചിരിക്കുന്നത്. ഇവരില്‍ 30 ശതമാനം സ്ത്രീകള്‍ മദ്യപിക്കാത്തവരാണ്. 35 ശതമാനം പേര്‍ ചുരുങ്ങിയ അളവില്‍ മദ്യപിക്കുന്നവരും. 37 ശതമാനം സാമാന്യ തോതില്‍ മദ്യപിക്കുന്നവരാണ്. 13 ശതമാനമാകട്ടെ, കൂടുതല്‍ മദ്യം ഉപയോഗിക്കുന്നവരും.

കുറഞ്ഞ അളവിലും സാമാന്യ അളവിലും മദ്യമുപയോഗിക്കുന്ന സ്ത്രീകളില്‍ ഹാര്‍ട്ട് അറ്റാക്ക് സാധ്യത കുറവാണെന്നാണ് പഠനം തെളിയിച്ചത്. എന്നാല്‍ കൂടുതല്‍ മദ്യം ഉപയോഗിക്കുന്നവരില്‍ സാധാരണ രീതിയിലുള്ള അറ്റാക് സാധ്യതയുമുണ്ട്.

ചെറിയ അളവിലെ മദ്യം രക്തധമനികളിലെ തടസം നീക്കുന്നതിന് സഹായിക്കുമെന്നും അതുകൊണ്ടാണ് ഇത്തരക്കാരില്‍ ഹൃദയാഘാത സാധ്യത കുറവെന്നും റിപ്പോര്‍ട്ട് പറയുന്നു. എന്നാല്‍ കൂടുതല്‍ അളവില്‍ മദ്യം ഉപയോഗിക്കുന്നവരിലാകട്ടെ, ഇത് ബിപി, കൊളസ്‌ട്രോള്‍ എന്നിവ വര്‍ദ്ധിക്കാനും അതുവഴി ഹൃദയാഘാതത്തിനും വഴി വയ്ക്കുമെന്നും റിപ്പോര്‍ട്ട് സൂചിപ്പിക്കുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.