'അംബീഷ്യസ്' ആയാല്‍ ആയുസ് കുറയും

Published: Friday, March 9, 2012, 11:38 [IST]

ചിലരുണ്ട്; എപ്പോഴും ഉയരങ്ങള്‍ വെട്ടിപ്പിടിക്കണമെന്നാശിക്കുന്നവര്‍. പഠനത്തിലും കരിയറിലുമെല്ലാം ഇക്കൂട്ടര്‍ ഒന്നാംസ്ഥാനത്തായിരിക്കുകയും ചെയ്യും. അംബീഷ്യസ് എന്ന് ഇത്തക്കാരെ പറയുകയും ചെയ്യാം. എന്നാല്‍ ഇത്തരക്കാര്‍ക്ക് ആയുസു കുറവായിരിക്കുമെന്ന് പുതിയ കണ്ടുപിടിത്തം.

യൂണിവേഴ്‌സിറ്റി ഓഫ് നോട്ടര്‍ ഡാംസ് മെന്‍ഡോസ കോളേജ് ഓഫ് ബിസിനസിലെ പ്രൊഫസറായ തിമോത്തി ജഡ്ജ് നടത്തിയ പഠനത്തിലാണ് ഇക്കാര്യം തെളിഞ്ഞത്.

ഹാര്‍വാര്‍ഡ്, ഓക്‌സ്‌ഫോര്‍ഡ് തുടങ്ങിയ പ്രശസ്ത സര്‍വകലാശാലകളുള്‍പ്പെടെ, പത്തോളം സര്‍വകലാശാലകളിലെ 717 പേരില്‍ നടത്തിയ പരീക്ഷണത്തിനൊടുവിലാണ് ഇക്കാര്യം കണ്ടെത്തിയത്.

അംബീഷ്യസ് ആകുന്നതിന് നല്ലതും ചീത്തയുമായ സ്വാധീനമുണ്ടെന്ന് ജഡ്ജ് പറയുന്നു. നല്ല സ്വാധീനമെന്നു പറയുന്നത് നല്ല രീതിയില്‍ നല്ല സ്ഥാനത്തെത്തുന്നതു തന്നെയാണ്. എന്നാല്‍ ഇത്തരക്കാരില്‍ ഭൂരിഭാഗം പേരും കിട്ടിയതില്‍ തൃപ്തിപ്പെടാതെ ടെന്‍ഷനും സ്‌ട്രെസും കൊണ്ടുനടക്കുന്ന കൂട്ടത്തിലാണ്. ഇത്തരം മാനസിക സമ്മര്‍ദങ്ങള്‍ ഇവരില്‍ അസുഖങ്ങളും അതുവഴി ആയുസിന്റെ നീളം കുറയ്ക്കുകയും ചെയ്യുന്നുണ്ടെന്നാണ് പഠനഫലം. അതുകൊണ്ടു തന്നെ ആഗ്രഹങ്ങള്‍ക്ക് അതിരുകള്‍ വേണമെന്നും അത്യാഗ്രഹം കുറയ്ക്കണമെന്നും ജഡ്ജ് പഠനറിപ്പോര്‍ട്ടില്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.