ഏഴു മണിക്കുര്‍ ഇരുന്നാല്‍ സ്ത്രീകള്‍ക്ക് പ്രമേഹസാ

Studies

oi-Saritha

By Veena

Published: Friday, February 24, 2012, 10:47 [IST]

ദിവസം ഏഴു മണിക്കൂറെങ്കിലും ഇരിക്കുന്ന സ്ത്രീകള്‍ക്ക് ടൈപ്പ് 2 പ്രമേഹസാധ്യത കൂടുതലെന്ന് റിപ്പോര്‍ട്ട്. ലണ്ടനിലെ യുണിവേഴ്‌സിറ്റി ഓഫ് ലെയ്‌സസ്റ്റെര്‍ നടത്തിയ പഠനറിപ്പോര്‍ട്ടിലാണ് ഇക്കാര്യമുള്ളത്. ഡെയ്‌ലി മിറര്‍ ആണ് ഇക്കാര്യം റിപ്പോര്‍ട്ട് ചെയ്തത്.

സ്ത്രീകളും പുരുഷന്മാരുമടങ്ങിയ 505 പേരില്‍ നടത്തിയ പഠനത്തിന്റെ അടിസ്ഥാനത്തിലാണ് ഈ റിപ്പോര്‍ട്ട്. എന്നാല്‍ പുരുഷന്മാരില്‍ ഈ ഇരുപ്പ് പ്രശ്‌നങ്ങളൊന്നും ഉണ്ടാക്കുന്നുമില്ല. എന്നാല്‍ ഇതിന്റെ കാരണം വ്യക്തമായി കണ്ടെത്തിയിട്ടുമില്ല. ശരീരമിളകാതിരിക്കുന്നത് സ്ത്രീകള്‍ക്ക് കൂടുതല്‍ ദോഷമുണ്ടാക്കുന്നുവെന്ന നിഗമനത്തിലാണ് പഠനം നടത്തിയവര്‍ എത്തിച്ചേര്‍ന്നത്. വെറുതെ ഇരിക്കുമ്പോള്‍ എന്തെങ്കിലും കൊറിച്ചു കൊണ്ടിരിക്കുന്ന ശീലം കൂടുതലും സ്ത്രീകള്‍ക്കാണെന്നും ഇതും പ്രമേഹത്തിന് ഒരു പരിധിവരെ കാരണമാകുന്നുണ്ടെന്നും പഠനറിപ്പോര്‍ട്ടില്‍ പറയുന്നു.

കൂടുതല്‍ സമയം ഇരിക്കുന്ന സ്ത്രീകളില്‍ ഇന്‍സുലിന്റെ അളവ് ക്രമാതീതമായി വര്‍ദ്ധിക്കുന്നുണ്ട്. ഇങ്ങനെ വരുമ്പോള്‍ ഇന്‍സുലിനോട് ശരീരം പ്രതികരിക്കാതെയാകുന്നു. ഇത് പ്രമേഹമുണ്ടാക്കുകയും ചെയ്യും.

ശരാശരി സ്ത്രീകള്‍ ദിവസവും നാലു മുതല്‍ ഏഴു മണിക്കൂര്‍ വരെയും പുരുഷന്മാര്‍ 4മുതല്‍ എട്ട് മണിക്കൂര്‍ വരെയും ഇരിക്കുന്നുണ്ടെന്ന് പഠനം വെളിപ്പെടുത്തിയിട്ടുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.