മുലയൂട്ടുമ്പോള്‍ കാപ്പി വേണ്ട!

Published: Thursday, February 23, 2012, 16:40 [IST]

കുഞ്ഞിന് മുലപ്പാല്‍ കൊടുക്കുന്ന അമ്മമാര്‍ വായിച്ചറിയാന്‍. നിങ്ങള്‍ക്ക് കാപ്പി, ചായ ശീലങ്ങളുണ്ടെങ്കില്‍ ഇത് ഒഴിവാക്കുക. ഇവ മാത്രമല്ലാ, ചോക്ലേറ്റും ഒഴിവാക്കുന്നതായിരിക്കും നല്ലത്.

മുലപ്പാലിയൂടെ ഇവയിലെ കഫീന്‍ കുഞ്ഞിന്റെ ശരീരത്തിലെത്തും. കുഞ്ഞുശരീരത്തിന് ഇത് ദഹിപ്പിച്ചു കളയാനുള്ള കഴിവുമില്ല. ഇത് കുഞ്ഞുങ്ങള്‍ക്ക് ഉറക്കം വരാതിരിക്കാനും അസ്വസ്ഥതയുണ്ടാക്കുവാനും ഇട വരുത്തും.

യൂണിവേഴ്‌സിറ്റി ഓഫ് റോച്ചെസ്റ്റര്‍ സ്‌കൂള്‍ ഓഫ് മെഡിസിന്‍ ആന്റ് ഡെന്റിസ്ട്രിയിലെ ഡോ. റുത് ലോറന്‍സാണ് ഇക്കാര്യം വ്യക്തമാക്കിയത്. ശിശുരോഗവിദഗ്ധനായ ഇദ്ദേഹം ഇതു സംബന്ധിച്ച പഠനങ്ങളും പരീക്ഷണങ്ങളും നടത്തിയിരുന്നു.

കാപ്പി മാത്രമല്ലാ, കോള ഉല്‍പന്നങ്ങള്‍ കഴിച്ചാലും ഇതേ പ്രശ്‌നമുണ്ടാകുമെന്നും ഡോ റുത് മുന്നറിയിപ്പു നല്‍കുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.