സോഫ്റ്റ് ഡ്രിങ്ക്‌സ് ആസ്തമ വരുത്തും

Published: Friday, February 17, 2012, 13:58 [IST]

ദാഹം തോന്നിയാലും തോന്നാതെയും സോഫ്റ്റ് ഡ്രിങ്കുകള്‍ കുടിയ്ക്കുന്നത് പലരുടെയും ശീലമാണ്. ഇവ ആരോഗ്യപ്രശ്‌നങ്ങള്‍ ഉണ്ടാക്കുമെന്നും പലര്‍ക്കുമറിയാം.

കോള, ലെമണൈഡ് തുടങ്ങിയ ഇത്തരം പാനീയങ്ങള്‍ ആസ്തമ വരുത്തുമെന്നാണ് പുതിയ കണ്ടെത്തല്‍. സൗത്ത് ആസ്‌ത്രേലിയയിലെ അഡ്‌ലെയ്ഡ് സര്‍വകലാശാല നടത്തിയ പഠനത്തിലാണ് ഇക്കാര്യം തെളിഞ്ഞത്. 16 വയസു മുതല്‍ മുകളിലേക്കു പ്രായമുള്ള 16,907 ആളുകളില്‍ നടത്തിയ പഠനഫലമാണിത്. ഇവരില്‍ ദിവസവും അരലിറ്ററെങ്കിലും സോഫ്റ്റ് ഡ്രിങ്കുകള്‍ കുടിക്കുന്നവരില്‍ 13.3 ശതമാനം പേര്‍ക്ക് ആസ്തമ വന്നതായി കണ്ടെത്തി.

സൗത്ത് ആസ്‌ത്രേലിയയില്‍ പത്തില്‍ ഒരാള്‍ ദിവസവും ഒരു ലിറ്ററെങ്കിലും സോഫ്റ്റ് ഡ്രിങ്കുകള്‍ കുടിയ്ക്കുന്നതായി പഠനത്തില്‍ തെളിഞ്ഞിട്ടുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.