ഭക്ഷണത്തിനു മുന്‍പ് വെള്ളം, തടി കുറയും

Studies

oi-Saritha

By Veena

Updated: Tuesday, October 23, 2012, 14:12 [IST]

തടി കുറയ്ക്കാന്‍ ഇതാ ഒരു എളുപ്പമാര്‍ഗം. ഭക്ഷണത്തിനു മുന്‍പ് ഒന്നോ രണ്ടോ ഗ്ലാസ് വെള്ളം കുടിച്ചാല്‍ മതി. നോര്‍ത്ത് അമേരിക്കയിലെ ബ്ലാക് ബെര്‍ഗ് വെര്‍ജീനിയ പോളിടെക്‌നിക് ഇന്‍സ്റ്റിറ്റിയൂട്ട് ആന്റ് ടെക്‌നോളജിലിയിലെ ന്യൂട്രീഷന്‍ റിസര്‍ച്ച് ആയ ബ്രെന്‍ഡ ഡേവിയാണ് ഇങ്ങനെ അഭിപ്രായപ്പെടുന്നത്. ഇവര്‍ നടത്തിയ പഠനത്തിലാണ് ഇക്കാര്യം തെളിഞ്ഞത്.

ഇതിന് പിന്നിലുള്ള ശാസ്ത്രവും ലളിതമാണ്. വെള്ളം കുടിയ്ക്കുമ്പോള്‍ വിശപ്പു കുറയും. അതുകൊണ്ട് ഭക്ഷണത്തിന്റെ അളവും കുറയും. ഇത് തടി കുറയ്ക്കുകയും ചെയ്യും. വെള്ളത്തിന് പകരം പോഷകഗുണമുള്ള പാനീയങ്ങളോ ആകാം.

രണ്ട് മുതല്‍ എട്ട് ഔണ്‍സ് വരെ വെള്ളം ഭക്ഷണത്തിന് മുന്‍പ് കുടിയ്ക്കാവുന്നതാണ്.

അതുപോലെ ദിവസവും കുടിയ്‌ക്കേണ്ട വെള്ളത്തിന്റെ കാര്യത്തിലും പ്രത്യേക കണക്കു വയ്‌ക്കേണ്ട ആവശ്യമില്ല. എങ്കിലും ദിവസവും സ്ത്രീകള്‍ 9 കപ്പും പുരുഷന്മാര്‍ 13 കപ്പും വെള്ളം കുടിയ്ക്കുന്നത് നല്ലതായിരിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.