ക്യാന്‍സര്‍ തടയാന്‍ മുന്തിരിക്കുരു

Studies

oi-Saritha

By Veena

Published: Tuesday, January 31, 2012, 11:24 [IST]

കഴുത്തിലും തലയിലുമുണ്ടാകുന്ന ക്യാന്‍സര്‍ തടയാന്‍ മുന്തിരിയുടെ കുരു സഹായിക്കുമെന്ന് പഠനഫലം. അമേരിക്കയിലെ കൊളറാഡോ യൂണിവേഴ്‌സിറ്റി ഓഫ് ക്യാന്‍സര്‍ സെന്ററിലെ ഡോ രാജേഷ് അഗര്‍വാളാണ് ഇതെക്കുറിച്ച് പഠനം തടത്തിയത്. ഇന്ത്യന്‍ വംശജനാണ് ഇദ്ദേഹം.

മുന്തിരിയുടെ കുരുവില്‍ നിന്നുണ്ടാക്കുന്ന ഒരു ഉല്‍പന്നമാണ് ഇതിന് സഹായിക്കുന്നത്. ക്യാന്‍സറുണ്ടാക്കുന്ന കോശങ്ങളുടെ വളര്‍ച്ച തടയുകയാണ് ഇത് ചെയ്യുന്നത്. സാധാരണയായി ക്യാന്‍സര്‍ കോശങ്ങള്‍ അതിവേഗം വിഘടിച്ചു പെരുകും. ഇതാണ് ക്യാന്‍സര്‍ വരുത്തുകയും അസുഖം ഗുരുതരമാക്കുകയും ചെയ്യുന്നത്. എന്നാല്‍ ചേര്‍ന്ന ചുറ്റുപാടുകളില്‍ മാത്രമാണ് ഈ വളര്‍ച്ച നടക്കുക. മുന്തിരിക്കുരു ഇതിന് പ്രതികൂലമായ സാഹചര്യമുണ്ടാക്കുകയും അങ്ങനെ ക്യാന്‍സര്‍ കോശങ്ങളെ നശിപ്പിക്കുകയും ചെയ്യുന്നു. എന്നാല്‍ നല്ല കോശങ്ങളെ ഇവ നശിപ്പിക്കുന്നുമില്ല.

എലികളിലാണ് ഇതെക്കുറിച്ചുള്ള ആദ്യപരീക്ഷണങ്ങള്‍ നടത്തിയത്. ഇത് വിജയമായതോടെ മനുഷ്യകോശങ്ങളിലും ഇത് പരീക്ഷിച്ചു വിജയിച്ചു.

അമേരിക്കയില്‍ മാത്രം ഒരു വര്‍ഷം 12,000 പേര്‍ തലയിലും കഴുത്തിലും ക്യാന്‍സര്‍ ബാധിച്ച് മരിക്കുന്നുണ്ടെന്നാണ് കണക്കുകള്‍.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.