സൗന്ദര്യം കൂട്ടാന്‍ ക്യാരറ്റ്!

Studies

oi-Saritha

By Veena

Published: Tuesday, January 24, 2012, 9:20 [IST]

സുന്ദരിയാകണോ, എന്നാല്‍ ക്യാരറ്റ് കഴിച്ചാല്‍ മതി. ക്യാരറ്റ് സൗന്ദര്യം വര്‍ദ്ധിപ്പിക്കുമെന്നാണ് പുതിയ കണ്ടുപിടുത്തം. ഇയാന്‍ സ്റ്റെഫാന്‍ എന്ന ശാസ്ത്രജ്ഞന്റെ നേതൃത്വത്തില്‍ ബ്രിസ്റ്റോള്‍ യൂണിവേഴ്‌സിറ്റി നടത്തിയ പഠനത്തിലാണ് ഇക്കാര്യം തെളിഞ്ഞത്. ഡെയ്‌ലി മിററിലാണ് ഈ റിപ്പോര്‍ട്ട് പ്രസിദ്ധീകരിച്ചത്. 40ളം പേരില്‍ നടത്തിയ പഠനത്തിന്റെ അടിസ്ഥാനത്തിലാണ് റിപ്പോര്‍ട്ട് പ്രസിദ്ധീകരിച്ചത്.

ചര്‍മത്തിന് ചെറിയൊരു മഞ്ഞനിറമുള്ള സ്ത്രീകളും പുരുഷന്മാരുമാണ് കൂടുതല്‍ സൗന്ദര്യവും ആരോഗ്യവുമുള്ളവരായി പഠനത്തില്‍ തെളിഞ്ഞത്. കരോട്ടിനോയ്ഡ്‌സ് എന്ന മഞ്ഞ നിറത്തിലുള്ള വസ്തു ഇതിന് സഹായിക്കുന്നുണ്ട്. ഇത് ക്യാരറ്റ് പോലുള്ള ചില പച്ചക്കറികളിലും ഫലവര്‍ഗങ്ങളിലുമാണ് ഉള്ളത്. ഇവ ചര്‍മത്തിന് നിറവും സൗന്ദര്യവും ആരോഗ്യവും നല്‍കുന്നു.

ക്യാരറ്റും ബെറി പോലുള്ള ഫലവര്‍ഗങ്ങളുമാണ് നല്ല ചര്‍മത്തിനും നിറത്തിലും കാരണമാകുന്നത്. സൗന്ദര്യത്തിന് മാത്രമല്ലാ, ഹൃദയാരോഗ്യത്തിനും അസുഖങ്ങള്‍ ചെറുക്കുന്നതിനും ഇത്തരം ഭക്ഷണസാധനങ്ങള്‍ സഹായിക്കുമെന്ന് പഠനത്തില്‍ തെളിഞ്ഞിട്ടുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.