വിവാഹമോചനം പുരുഷന്‍മാരെ തടിയന്‍മാരാക്കും

വിവാഹത്തോടെ സ്ത്രീകളുടെ തൂക്കം കൂടുമെന്നാണ് ഗവേഷകര്‍ പറയുന്നത്. ഉത്തരവാദിത്തം വര്‍ദ്ധിയ്ക്കുന്നതും കൂടുതല്‍ ജോലിചെയ്യുന്നതും സ്ത്രീകളെ വണ്ണമുള്ളവരാക്കി മാറ്റും. അതേസമയം വിവാഹമോചനത്തിന് ശേഷമാണ് പുരുഷന്‍മാര്‍ക്ക് വണ്ണം വയ്ക്കുക എന്നാണ് കണ്ടെത്തിയിരിക്കുന്നത്.

വിവാഹമോചനത്തിന് ശേഷം പുരുഷന്‍മാര്‍ ആരോഗ്യകാര്യങ്ങളില്‍ വേണ്ടത്ര ശ്രദ്ധ കൊടുക്കാത്തതാണത്രേ ഇതിന് കാരണം. എന്നാല്‍ വിവാഹ ജീവിതത്തിലായിരിക്കുമ്പോള്‍ പുരുഷന്റെ ആരോഗ്യകാര്യങ്ങള്‍ സ്ത്രീയുടെ കൈയ്യില്‍ ഭദ്രമായിരിക്കുന്നതിനാല്‍ തൂക്കം കൂടുന്നില്ല.

കല്യാണം കഴിയ്ക്കാത്തവരുമായി താരതമ്യപ്പെടുത്തുമ്പോള്‍ വിവാഹത്തിന്റെ ആദ്യ രണ്ടു വര്‍ഷങ്ങളില്‍ സ്ത്രീയ്ക്കും പുരുഷനും തടി കൂടും. പതിനായിരം ദമ്പതിമാരില്‍ നടത്തിയ സര്‍വ്വേയില്‍ നിന്നാണ് ഈ നിഗമനത്തിലെത്തിയത്. അതു കൊണ്ട് വിവാഹമോചനത്തിനൊരുങ്ങുന്ന പുരുഷന്‍മാരെ ജാഗ്രതൈ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.