കല്യാണം കഴിക്കൂ, വൈന്‍കുടിക്കൂ, കൂടുതല്‍ കാലം ജീവിക്കൂ

വാഷിങ്ടണ്‍: കൂടുതല്‍ കാലം ജീവിക്കണമെന്നാഗ്രഹമുണ്ടെങ്കില്‍ വിവാഹം കഴിച്ച് ദിവസവും ഓരോ ഗ്ലാസ് വൈന്‍ കഴിച്ചാല്‍ മതി. കുറച്ചു കുടിക്കുന്നവര്‍ തീരെ കുടിക്കാത്തവരേക്കാള്‍ കൂടുതല്‍ കാലം ജീവിക്കുന്നതായും അമേരിക്കയില്‍ നടത്തിയ പഠനം വ്യക്തമാക്കുന്നു.

കടുത്ത മാനസിക സമ്മര്‍ദ്ദം അനുഭവിക്കുന്നതിനാല്‍ അകാല മരണത്തിനുള്ള സാധ്യത 50 ശതമാനം കൂടുതലാണ്. മാനസിക സംഘര്‍ഷം കുറയ്ക്കാന്‍ വൈന്‍ വളരെ നല്ലതാണ്.

വിവാഹം കഴിയ്ക്കുന്നതിലൂടെ മാനസിക പിരിമുറുക്കത്തിന് കുറച്ച് അയവ് വരും. കാരണം ഇവിടെ ഒരു പങ്കുവയ്ക്കല്‍ നടക്കുന്നുണ്ട്- പഠനം നയിച്ച ഓറിഗോണ്‍ സ്‌റ്റേറ്റ് യൂനിവേഴ്‌സിറ്റിയിലെ പ്രഫസര്‍ കരോലിന്‍ ആള്‍ഡ്‌വിന്‍ വ്യക്തമാക്കി.

മാനസികസമ്മര്‍ദ്ദവും മരണവും തമ്മില്‍ അഭേദ്യമായ ബന്ധമുണ്ട്. ഇക്കാര്യം മനസ്സിലാക്കണമെങ്കില്‍ കുറച്ച് പ്രായമാകണമെന്നു മാത്രം. നേരത്തെ ഭാര്യ മരിച്ചവരിലും വിവാഹം കഴിക്കാത്തവരിലും നടത്തിയ സര്‍വേ ജീവിതപങ്കാളിയുടെ പ്രാധാന്യം വ്യക്തമാക്കുന്നുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.