ആദ്യ പുകയെടുക്കും മുന്പ്.....

എന്നാല്‍ കേട്ടോളൂ പുകവലിക്കാരില്‍ രോഗം ഉടലെടുക്കാന്‍ ദിവസങ്ങളും മാസങ്ങളുംമൊന്നും വേണ്ട വെറും അരമണിക്കൂര്‍ മതി. പുകയിലയിലെ കാന്‍സര്‍ ഉണ്ടാക്കുന്ന രാസവസ്തുക്കള്‍ വലിയ്ക്കുന്നയാളുടെ രക്തത്തില്‍ അരമണിക്കൂറിനുള്ളില്‍ ക്യാന്‍സര്‍ വിത്തുകള്‍ പാകിക്കഴിയുമത്രേ.

ചിലപ്പോള്‍ ഇത് വെറും 15 മിനിറ്റുകൊണ്ടും നടക്കുമെന്നാണ് ഗവേഷകര്‍ കണ്ടെത്തിയിരിക്കുന്നത്. പോളി സൈക്‌ളിക് ആരോമാറ്റിക് ഹൈഡ്രോകാര്‍ബണ്‍സ് എന്ന അര്‍ബുദ രാസത്വരകമാണ് പുകവലിക്കുമ്പോള്‍ രക്തത്തില്‍ രൂപപ്പെടുന്നതെന്നു ഗവേഷകര്‍ കണ്ടെത്തി.

രക്തകോശങ്ങളില്‍ വിഷ ഡിഎന്‍എകള്‍ കയറിപ്പറ്റുന്നതോടെ രാസപരിണാമങ്ങളുണ്ടാകയും ഭാവിയില്‍ ശ്വാസകോശ അര്‍ബുദമായി മാറുകയുമാണെന്ന് പഠനത്തിനു നേതൃത്വം നല്‍കിയ സ്റ്റീഫന്‍ ഹെച്ച് പറയുന്നു.

വായുമലിനീകരണം, ഭക്ഷണത്തിലെ വിഷാംശം എന്നിവയാണ് അര്‍ബുദകോശങ്ങള്‍ രൂപപ്പെടുന്നതിന്റെ മറ്റു മുഖ്യകാരണങ്ങള്‍.

ശ്വാസകോശ അര്‍ബുദംകൊണ്ടു മാത്രം ലോകത്ത് പ്രതിദിനം മൂവായിരം പേര്‍ മരിക്കുന്നതായാണു കണക്ക്. ഇതില്‍ 90 ശതമാനവും പുകവലികൊണ്ട് ഉണ്ടാകുന്നതാണ്. പുകവലിമൂലം മറ്റ് 18 തരം അര്‍ബുദങ്ങളും ഉണ്ടാകുന്നു.

വിഷ ഡിഎന്‍എകള്‍ രക്തത്തില്‍ കലരാന്‍ ഇത്രചെറിയ സമയം മാത്രമേ എടുക്കുകയുള്ളുവെന്നതിനാല്‍ ആദ്യമായി ഒന്നു വലിക്കാമെന്ന് കരുതിയിരിക്കുന്നവര്‍ ആ പദ്ധതി ഉപേക്ഷിക്കുന്നതായിരിക്കും നല്ലതെന്ന്് പഠന റിപ്പോര്‍ട്ടില്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.