ഉയരംകൂടിയവരില്‍ വൃഷണകാന്‍സറിന് സാധ്യത

അമേരിക്കയിലെ ഒരു കൂട്ടം ആരോഗ്യ വിദഗ്ധര്‍ നടത്തിയ പഠനത്തിലാണ് ഉയരക്കൂടുതലുള്ളവരില്‍ വൃഷണകാന്‍സര്‍(ടെകസ്റ്റികുലാര്‍ കാന്‍സര്‍)വരാനുള്ള സാധ്യത കണ്ടെത്തിയത്. പതിനായിരത്തിലേറെ അസാധാരണ ഉയരമുള്ളവരില്‍ നടത്തിയ പഠനത്തിലാണ് ഇക്കാര്യം കണ്ടെത്തിയത്.

ശരാശരിയിലും രണ്ടിഞ്ചോ അധികമോ ഉയരമുളളവരിലാണ് കൂടുതല്‍ അപകടസാധ്യതയുള്ളത്. ഇത്തരക്കാരില്‍ കാന്‍സര്‍ വരാനുള്ള സാധ്യത 13ശതമാനം കൂടുതലാണെന്ന് പഠനറിപ്പോര്‍ട്ടില്‍ പറയുന്നു.

എന്നാല്‍ നാഷണല്‍ കാന്‍സര്‍ ഇന്‍സ്റ്റിറ്റിയൂട്ടിലെ ഗവേഷകര്‍ പറയുന്നതനുസരിച്ച് ഇതിന് കാരണമെന്താണെന്ന് വ്യക്തമായി കണ്ടെത്തിയിട്ടില്ല.

ഉയരവും ഭാരവും അടിസ്ഥാനമാക്കിയുള്ള പഠനത്തിനൊടുവിലാണ് കണ്ടെത്തല്‍. എന്നാല്‍ ശരീരഭാരം കൂടുന്നതും കാന്‍സറും തമ്മില്‍ ബന്ധമില്ലെന്ന് പഠനത്തില്‍ കണ്ടെത്തിയിട്ടുണ്ട്.

എന്നാല്‍ ഉയരക്കൂടുതലുള്ളവര്‍ ഇക്കാര്യമോര്‍ത്ത് വിഷമത്തിലാകേണ്ടതില്ലെന്നും ഇക്കാര്യത്തില്‍ കൂടുതല്‍ പഠനം നടക്കേണ്ടതുണ്ടെന്നും ഗവേഷകര്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.