ടൂത്ത്‌പേസ്റ്റ് ഗര്‍ഭസ്ഥശിശുവിന് ഹാനികരം

ടൂത്ത്‌പേസ്റ്റിലും സോപ്പിലും മറ്റും ബാക്ടീരിയകള്‍ക്കെതിരേ ഉപയോഗിക്കുന്ന ട്രൈക്ലോസിന്‍ എന്ന ഘടകം ഗര്‍ഭസ്ഥശിശുക്കള്‍ക്ക് ഹാനികരമായേക്കാം എന്നാണ് പുതിയൊരു പഠനറിപ്പോര്‍ട്ടില്‍ പറയുന്നത്.

ഗര്‍ഭിണികള്‍ ഈ വസ്തുക്കള്‍ കൂടുതലായി ഉപയോഗിക്കുന്നത് ഗര്‍ഭസ്ഥശിശുവിനു ദോഷകരമായേക്കാം എന്നാണ് ശാസ്ത്രജ്ഞര്‍ ഭയപ്പെടുന്നത്.

ട്രൈക്ലോസിന്‍ എന്ന ഘടകം ഗര്‍ഭാശയത്തിലെ രക്തയോട്ടത്തെ ബാധിക്കുമെന്നും ഇത് ഗര്‍ഭസ്ഥശിശുവിന്റെ തലച്ചോറില്‍ ഓക്‌സിജന്‍ എത്തിക്കുന്നത് തടയുമെന്നും ഇതു ശിശുക്കളുടെ തലച്ചോറിന്റെ വളര്‍ച്ചയ്ക്കു ദോഷകരമാകുമെന്നുമാണ് ശാസ്ത്രജ്ഞര്‍ കണ്ടെത്തിയിരിക്കുന്നത്.

അമേരിക്കയിലെ ഫ്‌ളോറിഡ യൂണിവേഴ്‌സിറ്റിയിലെ ശാസ്ത്രജ്ഞര്‍ നടത്തിയ പഠനങ്ങളിലാണ് ട്രൈക്ലോസിന്റെ അപകടങ്ങളെക്കുറിച്ച് കണ്ടെത്തിയിരിക്കുന്നത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.